政改方案喺8票支持，28票反對下被否決，投票前33個建制派好似方中sir啲同事咁，GOGOGOGOGOGO 散晒水。大家真係唔使諗得太複雜，我真心相信智商係冇下限，佢哋真係通知漏咗人 GOGOGOGOGOGO，而留喺議事廳嘅建制派，佢哋就好似新紮師妹，黃浩然飾演嘅劍雄咁，唔知咩原因，可能係長期時運低，總係跟唔到大隊做嘢。
　
－－－－－－－－－－－－－－－－－

一次見到一群智障嘅人士聚集埋一齊，真係好似集齊M記 SNOOPY 咁 amazing...
　
→ 「發叔唔來，咁又點喎？」，發叔嗰一票，who fucking care。成班智障竟然集體同意用「等埋發叔」呢個理由，向公眾交代。發叔仲要配合扮演好有歉意，感到內疚。
　
→ 亡國興又係智障，明知嫻姐冇 whatsapp 就拉佢走啦，睇Ｌ住個黨友啦。事後佢仲接受訪問話由於「發生意外」唔畀休會，「人急生智」先步出會議廳。你話急屎都仲合理啲。
　
→ 嫻姐見到人人散水，都唔跟大隊走，係唔係整蠱專家用強力膠黐住個屎忽喺張櫈度？

－－－－－－－－－－－－－－－－－
　
柒左啦終於都...
　
→ 工聯會黃國健話擔心北京會「好嬲」。
→ 吳亮星話唔知發生咩事，走住先。
→ 曾鈺成話睇直播嘅人都會好詫異，「唔知咩事幹」。
→ 譚耀宗話溝通上出問題、有「甩漏」。
→ 周融喺撐政改大台上，叫支持者默哀一分鐘。
→ 689鬧投反對票嗰28個議員剎停香港民主。你自己有班豬隊友，GOGOGOGOGOGO 都 call 漏人。唔斥責嗰33個智障唔撳掣，斥其他28人撳掣？
　
以上班友真係好似青山放出來做 part time 咁。
　
今舖真係「有票，真係唔要」，多謝呢群後天智障人士毫不動搖、毫不含糊咁，示範「有票，真係唔要」。
　
－－－－－－－－－－－－－－－－－

班後天智障仲會繼續統治香港，真係唔得佢死...
　
大家都好有阿Q精神，瘋狂嘲笑呢群後天智障建制派人士，又設立「等埋發叔」 fb page，又有最新單曲「聽清楚 等埋發叔」。真係笑到我喊，我哋除咗笑佢哋戇鳩之外，真係「企定定喺度，乜都冇得做」。
　
除咗笑到我喊之外，通過定唔通過，有咩得益？

PS：我真係好欣賞曾主席，佢事先實知有 gogogogogogo 行動，佢見到有啲豬隊友唔識跟大隊 gogogogogogo，都處變不驚，show must go on 咁完成個投票，主席，我好崇拜你，對住33個豬隊友真係同日日勞改冇分別架。