今日（6月18日）中午，在政改三人組發言後，立法會主席曾鈺成按下表決鐘，就行政長官普選方案進行表決，經民聯林健鋒一度要求休會十五分鐘，表示要等劉皇發投票。其後，主席曾鈺成按議事規則，否決了休會提議，但同時間大部分建制派議員集體離場，餘下自由黨議員等8人。

當建制派議員正步離議事廳時，工黨何秀蘭提出點法定人數，立即被其他泛民議員喝停：「唔洗架喇！」，幸有足夠議員在席，符合法定人數要求。事情發生後大量網民嘲笑此舉。今日下午，何秀蘭在個人 facebook 解釋當時要求點人數的原因。

何秀蘭先批評建制派不熟習議事規則，指「真係嘥晒阿爺多年裁培」。她又指如果建制派想拖延時間，就「可以係司局長發言之前，搵多兩個人起身講野」。

她又指：「倘若十五分鐘後，仍然人數不足，即行流會，要下星期才可投票，咁就夜長夢多。」何秀蘭辯稱見大部分建制派集體離場，為要即時投票，速戰速決，就要留住部份建制派，所以馬上要求數法定人數：「令起碼部份人咪走，雖然就算無人要點法定人數，呢個程序都可能係投票鐘響完之後開始，主席亦都問秘書當時有無足夠人數，結果有37人在席，立即撳制投票。」

最後，何秀蘭指「歷史有好多意外，愈多私心計算，愈容易出錯。建制派咁鍾意講票債票償，但又臨陣甩轆，以後仲點用票債票償去攻擊他人。」