牛佬＆倫裕國嘅2018新作《金蒙空》，將會喺「PASSION PRIME」呢個網絡平台每日更新連載。點解咁做，相當明顯──就係香港「實體書」已到咗冇得做嘅地步！冇得做嘅原因，之前已經講過好多次，不再贅述（單單報攤日益見少，已經係一個死症。） 

時代唔同咗，任何一個行業都要面對呢Ｄ轉變，港產連環圖亦唔例外！所以，自己希望喺「香港實體書」消失之前，做好呢個轉接──由「實體書」轉去「網絡」繼續經營。呢一個動作，頗為艱巨，好話唔好聽一個唔覺意，就會灰飛煙滅。既然咁冒險，點解又要做呢？因為，已經去到「唔變唔得」嘅地步，大家睇睇市面就知道──報攤逐檔減少之餘，港漫出品亦係一隻手指數得晒！既然係咁，冇理由仲喺度固步自封！係咪？ 

呢一個重大轉變，一個影響所有港漫讀者嘅轉變，能否成功，要睇一眾老友記勒！當然，我哋亦會竭盡所能做好份內事嘅！ 

支持港漫，馬上訂購PassionPrime：http://www.passiontimes.hk/prime/