前言
小弟係三月一日，光復元朗入面被拉嘅一個。下面講嘅嘢，係結合自己同被捕者兩日經歷嘅小小總結。我唔理你光復邊度都好，但你一定要睇。
分析
光復行動已經被港共定性為危險活動，警察會用盡一切方法打壓，每個參與嘅人，都要有心理準備會被拉。因為警察會用任何方式任何理由去拘捕，詳情可以睇我另一篇文《拘捕四十八小時》。
而光復元朗係先河，從今以後，所有光復行動中被捕人士，都極有可能羈留你兩晚，然後直接上庭。警察目的唔係要告你，因為佢知道實告唔入，而係要殺雞警猴，增加行動者嘅成本，從而帶嚟阻嚇。你去得，就要預咗被拉，拉得，就預咗坐四十八個鐘。所以我好想話你知，拉前拉後，你有咩要做。
事前
1. 朋友同行：必須要有朋友同行，而且大家都要攞住相機或電話，隨時準備拍攝。萬一咁唔好彩被拉，朋友拍攝嘅片段，將會係你他日上庭嘅重要證供。大家都有睇「妄想症差佬」，如果無片，上到法庭個官唔會信警察講大話，而只會信你襲警。而且萬一被人拉左，都有人知，可以搵律師幫你。
2. 匯報行蹤：假設你真係毒到一個朋友都無，要單拖去光復。都請你一定，係一撚定，要話定俾朋友聽你去咗光復，如果幾點幾點搵你唔到，就聯絡律師搵你。上網會好容易搵到義務律師架喇。
3. 行裝：危險性攻擊性物品唔好帶喺身，包括萬用刀、火機、鉸剪同cutter、一個唔好彩搜到你有，就係「藏有攻擊性物品」。
4. 電話上鎖：電話一定要上鎖，唔解釋。
5. 送飯：同你朋友講定，邊個被捕，係朋友嘅一定要送飯入黎。其實，差館啲飯又唔係話好難食嘅……不過係好撚難食啫！全部係上欄廚餘，啲飯會用汁整到勁淋勁濕，如果你唔係好好好撚肚餓，你係唔會食得落。
6. 衣物：個袋塞多件褸啦，因為臭格真係好凍。
被捕現場
1. 唔好反抗：咁唔好彩畀警察拉咗，無論佢哋點屈你手腳都好，千祈千祈唔好反抗，佢哋有鏡頭影到嘅話，會告埋你襲警。（註︰當日我被捕，大聲屌警狗13091劉偉強老母嘅時候，佢話我啲口水噴到佢，要告埋我襲警添。）
2. 大聲宣佈拘捕理由：拉得你，現場一定會哄動，一定會有傳媒影住。呢個時候，唔好怕醜，要大大聲聲話俾鏡頭知警察以咩理拘捕你。最好嘅話，講埋拘捕你嘅情況，例如上次有個女仔無端端被警察撳低，成個鼻爆晒血，俾班狗話襲警。咁樣係要俾社會同輿論去咬住警察，要佢哋解釋發生緊咩事。
警車
1. 求醫驗傷：上到警車，即刻同個警察講話你要驗傷，要去醫院。一嚟係保護自己，入差館前有個紀錄，證明你完好無缺，萬一入到去被打，都有得指證。二嚟係增加警察行政成本，佢哋都預得留你四十八個鐘，我哋就玩到盡。一條友去驗傷，佢最少要派兩個警察陪你三個鐘，又要警車接送，事前事後仲要準備好多文件。
2. 問話：上到車，警察會即刻問你嘢，基本上，除咗姓名、住址同電話之外，你咩都可以唔答（包括職業）。不過，又無話一定唔可以講嘢，但一牽涉到政治議題立場同遊行示威情況，你就要即刻收口。當然，如果你分唔到咩講得咩唔講得，咁安全起見咪咩都唔好講，最好等律師幫手。
差館
入到差館有好撚多嘢要簽，可能簽嘅嘢會多過我以下寫嘅，因為我都唔記得晒，但無論咩都好，簽之前一定要每粒字睇清楚，包括中文英文，而牽涉到案情嘅，就千祈千祈一撚定一撚定唔好簽。
基於你唔合作，乜鳩嘢都唔講，一開波會有好多警察輪住嚟屌鳩你，當屌完一輪之後，又會有條粉皮好聲好氣扮知己，問你發生咩事，話你唔出聲佢哋幫你唔到。如是者，好彩就一次，唔好彩就三四次（好似我咁），不停重覆重覆，屌完你又氹，氹完你又屌咁，你不為所動就得架喇。（我搞笑啲，差館人手有限，屌我同氹我嗰個係同一條友，我望住佢真係笑咗出黎，好撚驚佢精神分裂。）
記住啦，出得嚟行預咗要還，入得差館就要付代價。唔好話屌你，就算打鳩你都要硬食，如果你堅持唔到簽撚咗佢啲濕鳩證供，咁耶穌都幫你唔到。驚嘅，唸下岳飛首正氣歌啦，「天地有正氣，差佬仆街死」。
1. 被捕須知：第一張係被捕須知，入面會講你已經被捕，你同時會有啲咩權利（有啲咩權利我陣間講）。呢張無伏，簽得。
2. 搜身須知：呢張嘢會同你講你將會被搜身，入面會寫埋搜身嘅方式，使唔使除衫除褲。而好多年前判咗警察違反人權，而家搜身係唔需要除衫除褲，所以，記住，如果搜身嗰陣佢話要你除，你話張嘢無寫，唔撚好理佢。（上星期有個中學生，因為咩都唔知，被警察除底褲搜身，屌佢老母。）
3. 被捕經過：呢度好撚緊要，你成版唔睇都得，但呢個一定要睇。你鳩坐等搜身嘅時候，拉你嗰隻狗就會笑笑口走埋嚟，同你講佢會補錄返拘捕你嘅經過，問你明唔明白。佢就會開始鳩寫，寫完之後會同你覆述一次，叫你寫段「我明白及同意上述口供……」，再叫你簽名。而內容百份之一百二十係無中生有，即係屈鳩你。（好似我嗰份咁，最少有兩個自相矛盾位。）首先，呢份唔撚係正式口供，你唔需要簽。再者，呢份嘢係用嚟屈鳩你，你簽咗即係認咗佢嘅指控，所以點撚樣都唔簽得。
而你堅持唔簽之後，佢會搵上一級（通常係沙展）做counter sign，簽完之後會再俾你睇。記住，就算你無簽，但你都有權問佢攞份副本，而我唔係同你講你有權利，而係叫你一定要攞，幫你上庭指證返差佬作口供。
4. 搜身：無乜特別。
5. 證物入袋：呢個步驟最撚麻煩，佢會逐件逐件將你個袋啲嘢拆開嚟睇，之後入證物袋。過程中，差佬見到啲特別嘢，佢會問你點解會喺身，帶過嚟做乜。都係啦，唔撚好理佢。佢會叫你除晒身上面有嘅繩，包括褲頭帶同皮帶。
6. 入臨時羈留室：搞掂晒之後，入臨時羈留室，有眼鏡嘅會被佢收撚埋，話驚你自殺喎。你試下同佢講，話你無眼鏡會好撚頭暈，如果你好彩，個差佬未必會收你眼鏡。入到去，會係短暫放鬆嘅地方，因為一間羈留室應該有六至七個戰友，呢個時候大家可以吹下水。再晏啲，就會的你入臭格。
7. 權利：呢樣嘢又好撚緊要，老實嚟講，差館入面嘅任何權利都係要自己爭取返嚟，爭取嘅方式就係煩鳩住佢。
你可以去醫院睇醫生、攞紙攞筆寫嘢、飲水、食三餐、打電話俾律師（不限次數）、打電話俾屋企人（不限次數），但全部嘢你開到聲，差佬都會話「安排緊，等陣先」，你唔使同佢拗，話你有乜乜乜乜權，點解你唔俾我。你只需要隔五分鐘十分鐘出一出聲煩鳩住佢就得，如果咁啱有大粒嘢經過，例如當值官，你最好即刻出聲。之後個白衫會望撚住個藍衫，心入面諗「屌你老母，少少嘢都要煩鳩住我」。
羈留室
羈留室即係臭格，同監獄風雲見到啲監倉差唔多啦，有幾張石屎床，後面有踎廁。都無乜特別，臭又唔係話好臭，係好撚凍啫。你係有權問佢攞毛毯嘅，不過都係嗰招，要煩鳩住佢。同埋啲毛毯好撚臭好撚多菌，無，唔係叫你唔要，俾個心理準備你啫。
落口供
情況同啱啱入差館嗰陣，叫你簽嗰張口供紙差唔多。但今次應該會係CID同反黑，佢哋雖然都係用嗰招，軟硬兼施，黑白雙煞。不過，兇嗰個會兇好撚多，溫柔嗰個又會溫柔好撚多。記住，呢個階段，乜撚嘢都唔好簽。佢會同你分析案情，話你都好無辜，又話你要肯講出黎，佢哋先睇到係咪同事誤會咗你；又會話脆脆地認咗佢，守行為搞掂，案底都唔使留。唔好同佢爭辯或者討論案情，佢問你乜，你答佢「我無嘢講」，最後問佢攞返張口供紙。
呢個過程我覺得好撚難捱，我當時係好撚驚，好驚佢會打鳩我。因為大家都知，入咗差館，佢哋真係做乜都得。我當時諗起好多嘢，「出得嚟行，預咗要還」、「怯，你就輸成世」、「申怨在上帝，審判也在上帝」。呢啲，叫信念。
檢控書
搞掂之後會帶你去打指模同影相，最後會俾份檢控書你，寫明你因為咩事被拉，亦會有簡單案情（警察版本）。佢會問你有無補充，你答佢「我無嘢講」，之後簽名得架喇（呢份簽得）。
攻略寫到呢步，都差唔多爆機。等多日上庭過堂就走得，到時律師會問你可以俾幾錢保釋，留返啲錢擲袋，你答佢一舊水啦，又唔係殺人放火，屌差佬啫，個官會俾你走。
保釋之後
即刻上網搵返晒當日啲片，搵到嘅話，記得問返原拍片者，確定片段係無修剪版先可以上庭。
如果你無俾人拉，又如果你影到衝突場面，影到有人被拉，請你將段片放返上網，千祈唔好刪咗條片佢！
恭喜你，爆機喇。