遮打革命以來，特區警察喺唔少香港人眼中已同港共政權嘅走狗無異。責罵嘅言論日增，警隊亦增添無數嘅新外號。然而，比起現時各種字眼，稱呼佢哋為「中國人」更有效用而且貼切。

在此，筆者先整理吓宜家較常聽到嘅警隊稱號同佢哋嘅由來︰

黑警／警渣︰928發射催淚彈、旺角放犯、暗角事件…… （下略），市民因而視警員為著制服嘅黑社會。

慈母︰警員多次亂棍毆傷示威者及途人，警務處長曾偉雄以「慈母」形容佢哋嘅暴行。

強姦犯︰警員非禮市民嘅醜聞不時出現、PC梁冠澤聲稱要強姦女示威者。

由以上可見，現時警員嘅外號主要針對佢哋嘅行為。呢啲字詞雖然可以帶起一時嘅話題，但時間一耐，市民逐漸淡忘，警員亦會習慣，甚至樂於聽到上述稱呼。因此，責罵警隊就要針對其惡行嘅本質，佢哋已非濫權嘅港共走狗，而係︰「正一中國人」。

遵守合理嘅法律，維持法治社會係香港人嘅核心價值。警員濫用制服賦予嘅公權力，選擇性執法，視法治如無物。喺港中矛盾下，佢哋亦企喺中國一方而且毫無悔疚。近期西洋菜南街街頭，鳩嗚人士同親中勢力多次對峙，警員就成為親中人士嘅保鑣，護送生事者離開; 針對上水走私賊嘅行動，警方派出大量人手戒備，平日就聲稱人不足，敷衍了事。警察不但目無法紀，重甘願成為中國殖民政策嘅幫凶，既然唔效忠香港利益，呢啲警察不過係居住香港嘅中國人。

就如「大陸仔」幼稚園生一事，摒棄香港價值就要付上被放逐嘅代價。由今日開始，大家想責罵警察，不妨大喝一句︰「你班差佬正一中國人！」