每次施政報告，房屋問題都係香港人最關心嘅事之一。喺689啱啱出嘅施政報告，亦有為數不少嘅篇幅係講房屋問題。可惜嘅係，即使佢花咗咁多篇幅係住屋問題上，明顯都未能夠解決問題。

首先，今次施政報告入面所講興建嘅新住宅單位，大部份都係公屋。問題係本身公屋空置率已經係偏高，仲將大部份資源撥去興建公屋做咩？而且佢只係講咗話會提供大量嘅單位，但又無提過單位大小問題。令人不禁懷疑係唔係只係想將每個單位劃分得更細，但其實土地供應量不變。另外，喺最近嘅居屋計劃都反映到大部份有需求嘅都係白表申請者。偏偏接著兩年嘅預售居屋額只係各二千多，係公屋嘅十分之一。咁唔係資源錯配係咩？

即使供應足夠，係唔係代表房屋問題可以完美解決呢？答案就梗係唔係啦。因為只要繼續有新移民來港，爭樓住嘅問題只會愈來愈嚴重。當供應同需求兩方面都同時增加，咁情況又點會好轉呢？偏偏689就用咗個好蠱惑嘅手法來想掩蓋新移民嘅問題。佢將有能力自置物業，可以買私人樓嘅投資移民停止咗。明明呢部份嘅新移民對香港公共資源嘅需求較細，當中更有唔少係可以為香港帶來商機。偏偏你就係中斷咗投資移民計劃，但係對嗰班以港人配偶或子女身份來港嘅就無限寬容。呢班人唔單止佔咗新移民大部份嘅比例，仲要佢哋係無任何學歷水平或者資產保證。當中更有兩成係連中學學歷都無。即使係所謂人才計劃引入嘅都唔好得去邊，大部份月入都不足一萬。乜原來而家對人才嘅定義咁低架咩？

而將會大力推行嘅優才計劃亦唔好得去邊。首先，佢針對嘅行業大部份都係已飽和嘅行業，教育、音樂、會計、律師等等。而當中教育更係最恐怖嘅一環，直接引入大陸教師可以話係國民教育同普教中嘅升級版。更何況明明大陸嘅教育制度同香港完全唔同，佢哋需要重新適應香港嘅教學方法同範圍。咁費時失事嘅方案都講得出，我認為一定係有弦外之音。用咁簡陋嘅包裝就想遮掩香港嘅房屋問題，會唔會太兒戲呢？如果我送禮物畀女朋友都包裝得咁求奇，一定俾人鬧死啦。咁當然啦，我無俾人鬧。但原因就梗係唔係佢脾氣好啦，而係我都未有女朋友。

喺今次嘅施政報告，689多次提到佢自己係跟隨「一國」兩制呢個大原則來做嘢。但事實上，佢嘅政策都係以大陸人優先，將港人利益放係次要位置。好簡單，如果有雙非孕婦衝閘生仔，佢敢唔敢叫架救護車直接車佢返深圳醫院，等佢哋係嗰到生仔，而唔係去屯門醫院呢？大陸人要一家人團聚所以想移民？得，大陸人口密度無咁高，你哋一家人係嗰度團聚啦。跨區學童就更加簡單啦，為咗小朋友嘅安全著想，就梗係派返原區好啦。所以你哋唔好再來香港讀書啦，山長水遠又危險又要早起身。但事實上，以上種種佢都唔會做。要我哋忍耐嗰陣就一國，佢哋拎香港便宜嗰陣就兩制。

去到而家，我已經完全明白「一國兩制」其實同「屌你老母」一樣。唔單止係指佢哋都係粗口咁難聽，而係指兩個都係講得出，做不到。