一田百貨CEO莊偉忠昨日（12月5日）於個人 Facebook 專頁表示：「我𥄫實民主黨，有乜唔妥，一定睇你班友唔起，正正式式同你哋切割，保證將來票債票償。」究竟所謂何事？原來是要𥄫實民主黨就《2014年版權條例（修訂）草案》的投票取向。

莊偉忠表示，如果民主黨或泛民又棄權，甚至贊成通過「網絡23條」，幫政府擺把刀喺網民頭上，就連他這個blogger都不知道何幾踩地雷，他表示：「試問一聲，一個成熟開明自信有水準嘅社會，點會怕網民市民普通人諷刺謾罵，真正得人驚嘅係，萬籟無聲一言堂。」

對於民主黨，莊偉忠的評價是「明嘅深謀遠慮你唔識，暗嘅笑裡藏刀奸詐你唔敢，講理論唔及陳雲，講勇武唔及本土派，講著數唔及建制派，試問一路支持你嘅，點跟呀？」他又批評民主黨畏首畏尾，以為中間落墨最安全，反問：「可以企得幾耐呀，企得幾多人㗎？」

他又指民主黨「唔想玩，可以唔玩，讓畀班後生仔女玩」，如果棄權逃避責任，就「一定鄙視你」。

民主黨早前表示，決定支持由工黨、公民黨和人民力量提出的修正案，如有關議案不獲通過，就會對《2014年版權（修訂）條例草案》的原法案投反對票。



（莊偉忠 Facebook 及商台片段截圖）