今日（10月31日）萬聖節，特首之女梁齊昕昨日就率先落老蘭慶祝，但見到一班警察似乎就唔多高興，今日她就與父母轉戰海洋公園哈佬喂，梁家千金更留言指「叫咗阿媽着龍蝦衫」。

梁齊昕傍晚上載圖片到社交網站，圖中見到特首梁振英及夫人唐青儀與多名哈佬喂演員合照，兩人都未有扮鬼扮馬，而梁太就穿了紅色長裙，但與之前的「龍蝦裝」略有分別。

梁齊昕昨晚到蘭桂坊慶祝時，見到通街警察似乎有所不滿，並留言指「WTF?! It's just Halloween .. This is insane. The pix don't do justice. And it's not even 11pm」（WTF！萬聖節啫⋯簡直係痴線。睇相根本睇唔出真相，仲未夠11點喎），結果被網民留言抽水，叫她詢問父親梁振英就知答案。

（梁齊昕 Facebook 截圖）

相關新聞：
梁齊昕頂唔順萬聖節老蘭通街警察　網民反擊：問你老逗啦