早前聽咗個關於怪獸家長嘅講座（其實係教育研討會，點知變左吐苦水大會），其中一個分享都幾有趣，個故仔係嚟自一間有提供「點對點校巴」嘅名牌學校（全場老師都好葡萄！嘩！名校真係名校，有校巴服務仲要點對點）

家長：我俾咗錢搭校巴，點解要我個仔行出巴士站等車？

老師：你住嗰幢行出去巴士站要幾耐？

家長：我哋住屋苑最入，阿仔行出去要5分鐘丫！

老師：咁？？？？？

家長：你叫架車兜入嚟接我個仔啦。

老師：吓？？？？？

家長：DO YOU WANT ME TO SAY IT AGAIN?!????

老師：叫架校巴兜入嚟再兜出去咪嘥好多時間囉，其他搭校巴同學仔就變相要提早咗搭架喇喎，要全世界就你個仔一個？

家長：我係俾校巴車費嗰個，所以諗解決辦法嗰個係你唔係我。

（..雖然唔係我間學校，但大家都估到校方梗係會妥協，重點係之後~）

老師：家長，早幾日你打嚟提出個要求，巴士公司同校方都話OK。

家長：咁咪聽話囉~

（個老師分享嗰陣，講到呢度，嬲到想喊咁款）

家長：但仲有個問題，個時間太早喇，我個仔要訓多陣。

老師：吓？架校巴順住逐個屋苑逐個屋邨去架喎。

家長：咁你唔識調下個次序架咩？

（...大家都估到校方梗係會妥協，但今次巴士公司唔制喎）

老師：唔好意思丫，校巴公司話做唔到閣下尋日提出嘅要求～你有咩同佢地講丫~電話：ＸＸＸＸＸＸＸＸ

（結果個家長打左去校巴公司度發癲，果度啲人就冇咁好脾氣，罵咗佢一輪怪獸家長，佢又話要出律師聲告人誹謗佢係怪獸家長，本來就WFC唔關學校事，點知個家長又打嚟學校）

家長：你話架校巴順住站咁去丫嘛，如果我個仔係最尾個站上車，咪可以遲啲起身囉。

（全場老師都唔明，莫非個家長搬去最尾個站度？咁不如係學校隔離僭建間屋算啦，改個名叫468狗屋，肯定無人拉）

家長：我意思係我個仔遲啲起身，搭的士去最尾個站，咁佢咪可以訓多陣囉。

（ ＿　＿　＿　＿　食甜筒你不如搭Uber 直接番學校啦）

老師（唔識應..）：明白明白。

家長：咁我想問claim錢嗰度我係一星期claim一次定係一個月claim一次。

老師：Claim 錢？你意思係俾校巴錢丫？

家長：Claim 的士錢丫伯婆，咁簡單嘅英文都唔識，Cum你幾巴丫嗱？Bitch！