好心你班民主派，唔好將考試成績睇得咁重啦。集體歇斯底里，紛紛為黃之鋒成績去搵說法，做咩啫？你欣賞佢為社會嘅付出，咪講返佢為社會嘅付出囉，點解要咁在意佢嘅考試成績呢？把口明明話考試成績唔重要，咁唔重要咪唔好理囉，又要講到大學應份要收佢，唔收佢就一定係政治考慮啦！冇勇氣收佢啦！（李慧玲專欄）

又話怕建制抹黑，將佢成績不好歸咎於搞社運……建制派都未講，民主派就已經要洶湧而出，一浪接一浪咁用各種說法，包裝到佢個成績係雖敗猶榮咁！

其實你哋先至係最介意分數嘅一群，佢考幾多分同佢嘅社會貢獻根本無關係，但係你班友仔就此地無銀，心底裡期望佢搞社運仲要係狀元咁就 perfect 啦，呢啲根本係一廂情願嘅封建願望，期待狀元出嚟幫你發聲！佢成績未如你哋理想呢，就紛紛去搵說法去粉飾！（搞到人哋以為佢考得好差，根本就唔係太差。）

請放下呢啲封建思維吧！放過小朋友啦！

你哋搞民主架，咪搞到自己紅衛兵咁啦……乜都上崗上線，連大學唔收佢就係有政治考慮都講得出，黐根！