今日城市論壇的議題為「六四燭光燒向佔中政改 廿五維園肝膽兄弟鬩牆」，嘉賓之一的支聯會主席李卓人，被另外三名講者，包括熱血公民首領黃洋達、《本土新聞》編輯曾焯文，以及「香港本土」成員毛孟靜圍攻，其間李卓人多次向本土派作出抹黑及前言不對後語，可以總結出以下的五宗罪。

1.指責熱血只識喊口號，但自己卻不敢叫打倒共產黨

熱血公民首領黃洋達認為，尖沙咀六四晚會的主題很簡單，就是「本土、民主、反共」，集會解散後參與者大叫「打倒共產黨」，意義就是要香港人認清共產黨為殺人政權，並認為支聯會集會純粹是單純的悼念，未有扣連本土政治。

李卓人隨即作出反擊，表示支聯會有實質行動，並指責熱血公民只喊口號：「頭先黃洋達講話行動，只不過去廣東道，去自由行嗰度嗌幾句口號，你就係行動啊？我希望你真係做行動，我哋跟住落去支聯會就有六四紀念館，一路係抗爭到底，每一個月我哋去中聯辦抗議。6月6號我哋就去悼念李旺陽。」後來黃洋達立即叫李卓人一齊叫「打倒共產黨！」，李卻默不作聲。黃洋達亦重申，若政府強行通過假普選方案，將會號召群眾，佔領立法會。

2.抹黑尖沙咀集會為選舉造勢

李卓人在發言中，抹黑尖沙咀本土六四集會，是黃洋達個人的拉票活動，「我淨係知道你嗰晚六四集會呢，就叫人投票，嗰晚到底係悼念，定係投票？你只係拉票啫嗰晚！」

黃洋達隨即作出否認，澄清李卓人的言論為抹黑，並斥責他「抹黑別人，係還不了你自己嘅清白！」

3.聲稱歡迎多元化，但其他人搞就是分化

李卓人發言指香港是一個多元社會，認為大家都可以舉辦六四紀念活動，但卻同時指其他人分化力量：「如果你話反共，你係到底分化咗，大家唔可以集合力量，去控訴共產黨嘅血腥暴行，呢個係令到中國共產黨最高興嘅。」

另一名講者曾焯文隨即反擊，指李卓人已多次講到尖沙咀及上水等六四晚會是分化力量，並認為支聯會是壟斷。

黃洋達亦都認為李卓人講一套做一套：「一開始論壇，李卓人就嚟抹黑我哋，口口聲聲又話可以多元化，又話唔同嘅團體舉辦冇所謂，但下一句就話，你如果真係搞嘅話，就會分化咗佢喎。即係多元化就冇所謂，但你就唔好搞，一搞就分化咗佢，呢啲人前後兩句說話都冇邏輯嘅。」黃洋達亦作出呼籲，指面對政改時刻，如果市民對政客不信任的話，就即管不去信任，但就要堅持真普選，到時政府提出假普選，就自己出來行動，佔領立法會，毋須其他人帶領。

4.抹黑本土運動為「人民對人民」，指自由行是中共受害者

講者曾焯文質疑支聯會，認為他們未有以本土為先：「支聯會、民主黨次次都係支持新移民、雙非人、自由行，支持呢啲人嚟香港，仲有普教中，你哋嘅立場都唔係响本土嗰邊，仲有最近你哋支聯會去到聯合國迫香港政府立法禁止歧視新移民，又話要畀佢哋嚟攞晒香港人福利。咁樣，你哋點樣抗爭到底，你哋點樣幫香港人爭取普選啊？」

李卓人回應指支聯會不會人民針對人民，就像自由行也是中共政權的受害者，本土派人士針對他們是不對的，應該只針對中國政府︰「你哋點解將兩樣嘢撈埋，我哋針對政權，你哋就將針對人民就戰鬥咗嘞。我哋唔係講中國人民之間同人民之間嘅矛盾......但係而家你哋所做，你哋係去拖篋，你哋針對呢個政權謊言嘅受害者，點解佢哋要嚟香港買嘢啊？因為成個中國全部都係假嘢，我哋咪針對政權囉，大家有乜問題呢？」

5.反口不認「要等中國有民主」言論

代表「香港本土」的立法會議員毛孟靜，就質疑支聯會不應該將推動大陸及香港民主運動一齊並行：「支聯會話，內地維權運動，同香港嘅真民主運動，必須互相配合，一齊並行，呢個係麻煩嘅，係有問題嘅，因為中國大陸實實在在好似一隻大郵輪，你要佢轉180度，蚊訓，但香港係一隻舢舨。你要將香港同大陸完全對等，然後話一齊爭取真嘅民主，我覺得對香港，喺一國兩制之下，係唔公度。」黃洋達亦作出補充：「我哋要求本土優先嘅民主好簡單，我哋唔能夠等待中國大陸有民主，香港先至有民主。」

李卓人馬上作出回應：「喂！我幾時講過話要等中國有民主呀！」不過翻查紀錄，李卓人在去年5月26日，接受《now寬頻電視》訪問時就作出以下言論：「如果中國今日無自由民主，香港都唔可以有真嘅普選。」完全是前言不對後語。