立法會議員黃毓民今日（5月20日）於立法會會議中，就《2015年撥款條例草案》的「人口、教育、人力、青年、藝術及文化，以及體育」作總結。他在議會鞭撻權貴，表示本港及中國高官的子女大多都到外國留學，或擁有外國籍。

以下為黃毓民於會議中的發言節錄：

「在實際情況底下，干預政治，社會、經濟、文化，全方位都被干預。咁點會愛國啫啲人？」

「最可笑的是，林鄭月娥又好，梁振英又好，啲仔全部去外國讀書，跟住你又叫我哋愛國。」

「咩事而家啲公務員仔女全部去晒英國讀書唔使錢啊？點解唔係返大陸讀書唔使錢啊？點解高官啲仔女全部去晒外國留學啊？陳茂波個仔係咪喺外國啊？」

「唔好有口話人冇口話自己，去外國讀書有咩問題啊？唔好送晒啲仔女去外國讀書，然後香港人啲仔女就要接受國情教育。」

「一方面，高官送子女去外國；另一方面，你就逼香港人愛國，這怎麼說得通？」