大家唔駛浪費時間去睇《哈里王子與梅根Harry & Meghan》，我幫大家睇咗，一句論定：亂潑污水！

套紀錄片悶到爆炸，而且基本上全片鳩噏，根本冇乜紀錄。

哈里嘗試把梅根塑造成戴妃二世，話佢太受歡迎，搶曬鏡頭，威脅到主要皇室成員（暗示威廉與凱蒂）。
喂，你幾時有受歡迎過凱蒂呀？平行時空呀？
然後就指控皇室，唔保護好梅根，任由傳媒攻擊佢，又話威廉耍手段，同傳媒做好交易，放梅根嘅料出去，等佢地去攻梅根，放過威廉同凱蒂。
哈里言之鑿鑿講到皇室與傳媒，向來係咁樣運作。
喂，阿哈里，如果真係咁容易就控制傳媒，你老豆當年玩鹹濕電話（話想變成衛生綿塞入去），就唔會畀報紙逐字紀錄登曬出嚟啦！
紀錄片可謂全面向威廉開戰，但內容全部鳩噏，正常人睇完會覺得哈里夫婦更加老土，但係美國平權撚，可能就一見黑人反皇權，即刻BUY。

雖然套片好悶，又冇料爆，但真係研究哈里世代的上好教材，這紀綠片紀錄了哈里世代最大的問題，就是執行力。拍一套紀錄片賣小強，為自己洗白，這想法是OK的。賣小強的材料也充足：美國人、黑人、嫁入皇室的荷里活演員、戴安娜的兒子、狗仔隊的世代迫害。
本來，拿著上述材料，要拍好一個可憐故事，應該唔難。偏偏，哈里與梅根拍出來，沉悶之餘，仲要乞人憎。
紀錄片中的梅根，自認聰明，長篇大論講自己讀書叻，但係，居就連覲見女皇，要行屈膝禮都不知道，仲要當成笑話嚟講，顯示自己毫無識見，而且相當冇家教。


紀錄片播出後，呢一段恥笑皇室禮儀嘅情節，也備受批評，同時被質疑講大話。因為梅根宣稱無人教過佢點行禮，但Ryan Reynolds覲見查理斯三世，卻指出有皇室專人教他們如何行禮，直接打臉梅根說法。
梅根在紀錄片中，想要強調自己被種族歧視，但卻透露出自覺膚色較淺，在美國從未被人以N字頭歧視語問候，她沒想到自己來到英國，居然也會被當成黑人看待。在在透露了，自己底裡根本歧視黑人，根本以白人自居。
這些負面形象，都是通過他們自家製作的紀錄片塑造出來的，與人無尤。
明明一手好牌，打到變爛牌，這不是想法的問題，是執行力的問題！

不過，拍得爛還拍得爛，但鳩噏講吓是非，就可以收到Netflix天價片酬，而且估計可以吸引到反皇室平權人士盲撐，所以講到尾，佢哋都係賺咗鑊甘嘅！

我做了三節節目，幫大家歸納內容加分析，幫大家省掉了六個鐘頭的時間了。


【大香港早晨ep 2296】
《哈里王子與梅根》洗白變描黑！揭露梅根：歧視黑人、冇家教、扮勁


【大香港早晨 ep 2301】《哈里王子與梅根》梅根話自己似戴妃太受歡迎被針對！威廉凱蒂唔抵得夾埋傳媒對付佢喎！


【大香港早晨 ep 2301】
《哈里王子與梅根》毫無證據亂潑污水，估計平權撚都會buy
https://www.passiontimes.hk/prog/85/2301/3