「勿忘初衷」係咩意思？

1. 撤回人大決定
2. 重啟政改諮詢
3. 香港警察就不當使用武力道歉
4. 梁振英下台

我記得當初雙學異口同聲話如果得唔到結果係唔會走。以往，無數次清場消息每日皆是，人民冇因此而萌生退意；反而，今次彷彿人人恍然大悟一樣，雙學亦彷如得政府配合退場。再者，飯民又狗急與雙學割蓆而處，到底這揭示咗乜野？

今日，金鐘村民仍高舉「勿忘初衷」口號，襯以一句 Terminator 式「I will be back」。然而，當我細看「初衷」為何，卻留意到「支持學生，支持雙學」……咁到底人民當初係拜偶像定係真心為自己爭取權益？我望唔透。

那一邊箱人們為雨傘革命搞「笑喪」，另一邊卻齊齊抵制真正做實事的本土派。早前爆一塊玻璃，村民隨即被嚇得屎淋尿賴，人人搬曼德拉出來做擋箭牌。可笑的是，一個拎和平獎嘅人，唔等如佢所做嘅事係和平（自己 WIKI 下曼德拉做過咩）……又或者，佢哋只是好似當初有人認錯 Morgan Freeman 做曼德拉咁，將甘地、馬丁路德金同曼德拉傻傻分不清楚吧？

清場其實不算壞事。一場革命需要的不是支持者，而是要參與者。如果取不到成果，而人民又不肯轉換模式抗爭（你懂的），難以成功。況且，正如樂觀派所言：雨傘革命，全民醒覺，「落區」繼續深耕亦未嘗不可，起碼你同我仲可以有工開有飯開。

今後的後續才是整場革命的焦點。當然秋後算帳是中華民族的傳統國粹，唔便問阿貴，黃藍雙方定必使盡奶勁互相清算。另外，明年的區議會選舉無疑將會是2016立法會的前哨。熱愛和平理性的香港人，是時候好好運用選票， 票債票償。中華人民共和國戰無不勝偉大的毛主席曾說過：革命是一個階級推翻一個階級的暴烈行動。我想，呢場革命的後續戲碼，仍要靠香港人去演。