大家樂純利倒退15%，佢嘅年報係咁寫嘅：「集團部份位於主要購物地區的餐廳受二零一四年最後一季的社會運動影響，業務復蘇緩慢。」

照常理推斷，以為因為佔領影響到收入所以純利下跌，但睇一睇份中期報告，原來收入係上升咗近3000萬，又再仔細睇多一睇，原來大家樂結束咗北美業務，少收7000萬，無受到「佔中」影響嘅中國地區，收入下跌咗2600萬，而香港收入係上升咗1.2億。

你自己報告入面都寫咗啦，今個年度開咗20間分店，使費咪大咗囉，同埋「中國內地整體經濟放緩，顧客消費模式正在改變」，所以咪影響到純利，關佔領春事咩~~~




（大家樂年報截圖）