這一輪輿論戰落在警察上。

政府意識到佔領人數增加，在於好多市民對警察施放催淚彈嘅憤怒，加上防暴隊嘅形象同粗暴驅散示威群眾之暴行，都激發起更多市民參與運動。

所以，這一輪不斷打溫情牌，希望修補警察形象，更多以警察第一身角度，用人性去解釋自己行為，用意在於打散民心。

但我想講，你哋傳嘅溫情人性訊息，是真好，是作好，我哋一早都係咁同你哋講，講咗成個禮拜，但你哋無動於衷，今日反過嚟同我講呢啲？放催淚彈嗰一刻你唔同我講？

我只係想你知，你講呢啲「苦衷」我哋全部都知，但我更加知道你放彈嗰刻，用事實話比我知你唔 care 我哋係香港人。