年尾的區議會選舉還差4個月就舉行，各政黨已經密鑼緊鼓，為一眾新秀作最後宣傳。相信不少人都已經收到一眾政客的宣傳單張，當中羅列了過去的政績，有成功爭取綠燈多兩秒被恥笑，亦有搵漁護署捉流浪狗而遭動保人士狙擊，至於新民黨的沙田社區發展主任葉家明，就被發現落區圖片竟然是Key圖。

有網民就上載了葉家明的一張宣傳單張，內容是宣傳「證件相優惠攝影日」，不過重點其實在單張底部的兩幅圖片，指葉家明了解作壆坑村的大型滅蚊工程，不過眼利的網民隨即發現，兩幅圖中的葉家明的姿勢是一模一樣，可見是經過後期加工Key上。

上載圖片的網民就表示：「key到咁明顯你不如學下wwf 陳奕迅果張啦，如果你諗住呃啲街坊嘅，應該都過到關嘅。」

Key圖事件隨即成為高登討論區的熱話，有網民就馬上發揮創意，製作葉家明改圖，將他Key上不同的場景，例如同屬新民黨的葉劉淑儀被麒麟撞倒一刻。

（圖片來源：高登討論區）