民主黨成員黃成智今日（5月19日）開記者會，表示將自資登報收集簽名，支持向北京提出要求，將提委會內的公司票改成為個人票，並設立白票守尾門。不過記者會開未夠半日，行政會議成員葉劉淑儀出席完建制派政改座談之後，就引述人大法工委副主任張榮順指提委會的設計無得改。

當記者問到葉劉淑儀，張榮順有否提及可以改動提委會，例如公司票轉個人票，又或是引入白票守尾門方案，葉劉回應指張榮順未有提到白票守尾門，但對於公司票轉個人票就相當有保留。

對於早前中國全國港澳研究會副會長、北大法學院教授饒戈平表示，將提名委員會的公司票改成個人票符合831決定，有討論空間，葉劉淑儀引述張榮順的言論時表示：「佢覺得呢就係改咗提委會嘅性質，佢話睇到報章上有泛民議員一聽見話可以優化呢，就改到最好一人一票選提委會，咁佢覺得就改咗基本法提委會嘅性質，因為提委會目前嘅設計，就係有廣泛嘅代表性同埋均衡參與，係基於一啲職業同行業嘅，例如話專業界別每人得30票，第一界別每一個行業得16、17、18票，第三界別就每人得60票，所以話個分佈係公平嘅，係經過好細心研究。」

葉劉淑儀又指張榮順呼籲泛民議員不要「走入死胡同」，理應要支持政改，並對泛民表明不受民意約束感奇怪，認為是不符合民主。

（無綫新聞截圖）