五月天去荃灣大會堂開演唱會？乜唔係去迪士尼咩？

話說近日網上流傳一張演唱會海報，印上「Kiss U 520　五月天母親演唱會」，一見到五月天，大家會想到一票難求的台灣天團，快將在香港迪士尼露天場地搞演唱會，但據了解門票3月29日才公開發售，為何這個「五月天母親演唱會」已經在城市售票網公開發售？

原來五月天演唱會並非鬧雙胞，這個由「荃灣海濱海灣居民協會」呈獻的活動，演出者並無台灣天團五月天，而是「歌影視紅星」李龍基、「名廚唱將」李錦聯，以及荃灣區議員鄒秉恬。

鄒秉恬是誰？就是上年在區議會提出「沙灘限奶令」，話要「曲線」諷刺區議會思想封閉的荃灣海濱選區區議員。其實上年都有一個叫《鄒秉恬議員1/4世紀情懷暨五月天母親金曲演唱會》，今次更搵到李龍基壓陣，記住撲飛喇！

（網上圖片）