運輸及房屋局局長張炳良今早（3月21日）出席港台節目時表示，早於2007年與中國及澳門民航局簽訂的《珠三角空中交通管理規劃與實施方案》，因內容涉及商業和戰略資料，不能公開，但就認為已經是一份協議。

張炳良又主動提及昨日與前民航處長樂鞏南通電，解釋政府決定，他引述指對方支持政府計劃：「我尋日都有同樂鞏南前處長通過電話，我同佢傾電話，佢都有搵我，咁佢其實咁樣，佢支持嘅，佢支持，佢都對民航處同事嘅空管能力絕對冇懷疑，佢唯一就話，因為佢都冇見過啦，佢話『係咪真係好詳細架』，我都同佢解釋，我話有成90頁紙，裡面有附圖架，咁佢就安心咗啲。」

然而香港電台再向樂鞏南查詢之後，他卻有不同的說法：「佢就解釋畀我聽呢，佢同中方傾掂咗將來嗰個協調方面嘅程序，我就話呢，呢啲紙上談兵唔得嘅，你將呢啲程序呢，用一個模擬器模擬一次，證實咗行得通先至話畀我哋聽，佢冇問我支持唔支持。」

樂鞏南指從沒有反對三跑，但就不支持選址在赤鱲角機場，他認為可在港島南赤柱，興建一個東向西的人工島，用作興建三跑。



（港台youtube截圖）