行政會議日前通過興建造價1,415億的機場第三跑道後全城嘩然，當日公佈「好消息」的運輸及房屋局局長張炳良，今早（3月21日）接受電台訪問為事件解畫，他指2007年香港與中國及澳門民航局簽訂的《珠三角空中交通管理規劃與實施方案》，內容涉及商業和戰略資料，不能公開，但就認為已經是一份協議。

張炳良表示：「佢裡面都係啲商業性，甚至係相關當局覺得係戰略性嘅資料，我哋唔係咁隨便將一份嘢拎出嚟，嗰份方案有成80幾、90頁，包括埋一啲附圖，附圖入面畫晒啲航道係點，咁所以嗰份方案唔係話大家一兩頁紙，好粗粗略略咁講一啲共同語言，唔係咁樣，係經過3年嘅實際討論，亦都做咗好多模擬嘅測試。」

興建第三跑道由機管局自行融資及向使用者徵費，張炳良認為目的不是要繞過立法會，只是政府在權衡之後，覺得機管局信貸評級良好，賺取盈利能力又高，還款不成問題。

張炳良又指昨日與前民航處長樂鞏南通電，解釋政府決定，他引述指對方支持政府計劃。

（港台新聞截圖）