昨日（2月20日）鄉議局主席劉皇發率領一眾鄉事派及建制派人士去車公廟時，新民黨主席葉劉淑儀被一隻舞動中的麒麟KO，成為了整個初二的熱門笑話，連掹車邊的日本麒麟啤都要加入抽水行列。

麒麟啤酒（香港）的 Facebook 專頁昨晚貼圖，標題為「麟到開心年初二登場」，內容講到「年初二咁高興，開年飯梗係要同親朋戚友飲番罐麒麟，感謝佢今日為我哋帶嚟最開心、精彩同一番爽快嘅時刻！」雖然內容未至於明刀明槍，但聰明的網民好快就對號入座。

不過麒麟啤抽水抽得如此落力，已經有網民擔心會激嬲藍絲帶，再次鬧出PUMA的「D7689」事件。

對於有人認為舞麒麟的師父是故意撞人，葉劉淑儀於個人 Facebook 專頁中，就替該名師父辯護，認為他只是盡責落力演出，絕非故意，又斥責若有媒體指他是故意「KO」葉劉的話，對他亦不公平。