入境事務處今日（2月12日）下午召開記者會，大家最關心的，都是近期鬧得熱哄哄的水貨客問題，入境處長陳國基表示，自2012年9月至去年底，入境處已拒絕25,000人次懷疑水貨客入境，並拘捕1,735名大陸水貨客，但當中只有200多人被定罪，被判入獄4星期至3個月不等。

對於定罪率偏低，陳國基表示：「我哋拉到嗰啲呢，我哋好有理由相信佢哋係水貨活動架喇。但係當然呢，其實喺香港嚟講，要定罪嗰個標準要好高嘅，唔係咁容易去定罪。同4,700萬人次（訪港旅客）嚟比，其實絕大部分都係一啲正常旅客。」

對於近期水貨活動明顯增多，陳國基認為「年尾多咗購物活動」實不足為奇，並認為大陸旅客來購物只是正常活動。

陳國基又指水貨客並非一定是大陸人做：「香港人參與水貨活動嘅呢，其實都有超過一半嘅，咁所以呢，我哋其實喺睇嗰個問題嘅時候，就千祈唔好將內地遊客，同內地水貨客去劃咗個等號。」

此外，陳國基又指已經將懷疑從事水貨的人士資料放入監察名單，暫時名單內有13,000人。

（無綫新聞截圖）