佢哋喺車自爆埋個年份，「我93年」，「我94囉」。又大爆自己，預備好畀十幾萬去讀書，操好體能，準備考紀錄部隊。
A：「唉，我個frd上年入到PC啦，佢就爽啦。」
B：「但係PC好難升噃。」
C: 「咁max人工有三萬，都ok啦。」
See？所以雨傘革命嗰陣，一班毅進仔藍衫，點解可以咁惡，瘋狂扑爆大學生人頭，皆因佢哋係讀唔成書；喺黑警嘅圈子，根本就係仇視大學生，以為讀大學去搞民主就係激進（記唔記得上星期升學展入面，有個父母覺得入咗中大個大仔去支持「佔中」，佢哋就想送個細仔去英國嗰個？）
於是班毅進仔，就自然有仇報仇咁，以為鎮壓晒啲示威者就係做到嘢。到時散仔衝鋒，大sir領功，話知你班人乜鳩嗚啦，扑到你腦開花都要用腳用手撳爆你個頭。
講真，而家土共政權，就係要犒賞班黑警做城管。最近兩億補水錢又過咗，可見之。俾著我係呢班人，又無啲分析力，人生又無其他技能，只有個毅進學歷for紀律部隊；自然就能夠一心一意成為黑警，對殘暴政權，只會義無反顧地支持落去。
唔使妄想可以對呢班人「深耕細作」。你寫幾多煽情臘腸文，咩「警察都係人」、「警察的心聲」都唔會有用。呢種人無受過大學教育，分析力只有接收同行動嘅level。而佢哋喺中學嘅教育，亦畀唔到佢哋一個人嘅integrity。於是，當佢哋受聘做黑警，個生存之道，就係服從命令、仲有制服嘅榮耀（讀過sociology就知，咩叫institutionalized roles，即係可以將一個人既靈魂都磨平）。
喺我個腦諗緊以上嘅野之際，聽到佢哋起身落車：
B：「喂，下次再約打波啦。」
A：「好啊，我想操fit啲體能，唔好咁廢。」
喺呢幾位九十後男仔嘅生活入面，就係操練，仲有追尋穩定嘅工作。你會指望佢哋識睇網媒，睇下咩叫真普選、咩叫香港民族自決、咩叫城邦、點先值得獨立？sorry，最緊要入到學堂，出到嚟人工有三萬蚊就得啦。錢已袋，穩已維。
現實係雨傘革命之後，都唔能夠點化所有新一代人識得stand along去against暴政。香港人最失敗就係呢啲「打份工啫」嘅思維。仲唔好忘記，而家新移民都做埋黑警（見早幾日，警察學堂頒新人獎比個新移民學警單news）；佢哋帶住對香港人blue blood嘅恨，只要係再衝突嘅時候，分分鐘比起呢班土生香港男仔更加狠。
難怪班土共呢排可以咁牙斬斬話「好戲在後頭」，意思即係邪惡勢力已經勝出一round，一陣你就知味道。
結語：要贏，就要靠自己。放下幻想，立足現實。往後日子仲會更多短兵相接嘅地方，香港條路唔會易行，要努力，加油，讀多啲臺灣同南韓喺八十年代民主化既歷史，吸收經驗啦。好過花咩時間係街嗌咪，預約拘捕，到頭來仲比黑警阿頭話你哋「做戲」，就無謂啦。