真普選聯盟成員之一、立法會議員梁國雄（長毛）今晚接受本台節目《熱血政治》訪問，討論真普選聯盟今日公布的「三軌制」普選特首方案。長毛表示起初誤解了真普聯的立場，以為「公民提名」指任何人獲1%選民簽名支持，就可以自動成為行政長官候選人，但與《熱血政治》主持黃洋達討論過後，方才得知真普聯建議的「三軌制」方案，經公民提名和政黨提名推舉的候選人要先經過提名委員會確認。長毛覺得真普聯的方案完全不能接受，表示會向真普聯確認其立場，更直言不排除最終會與真普聯「分手」。

黃：「如果佢好似話選舉委員會對吓身份證，睇吓提名夠唔夠，咁就梗係得啦，但留低尾巴，俾佢確認的話.....」

梁：「咁呢個梗係唔使傾啦，如果係要人去確認，咁講到天花龍鳳都冇意思。」

黃：「但係真普聯真係講到係咁喎。」

梁：「係咩，我正話喺下面喎，我唔認為係咁解喎。」

長毛重申，他認為公民提名是「退無可退」，只接受獲得足夠選民支持後自動確認，不接受需要提名委員會另行確認的「公民提名」。他表示會再向真普聯確認，到底方案中提到的「經提名委員會確認」是甚麼意思。

被問及社民連對普選的立場，梁國雄表示：「首先，一定要同民主黨區隔，因為民主黨話公民提名係可有可無；第二，公民提名係不能退讓，有咗公民提名的話，提名委員會就唔可以篩走人。」他指社民連容許憑特權「捐狗窿入閘」，即由提名委員會直接推薦候選人參選，已經是很大的讓步。

談到民主黨玩文字遊戲，令方案上沒有加上「缺一不可」的字眼，長毛狠批民主黨：「民主黨非常狡猾，真普聯就扮懵，民主黨的技倆係表面上同意你嘅立場，但實際上講同你立場唔同嘅嘢。」

長毛認為，真普聯有必要要清理門戶，否則難以搞大型宣傳活動，他續表示：「我要真普聯確認我嘅講法啱，抑或民主黨講法係啱，如果繼續係咁，就只有分手」。

延伸：
《熱血政治》第18集：真普聯三鬼方案
http://www.passiontimes.hk/?view=prog83&ep=18