過咗佔領行動呢個大關之後，港共政權可以肆無忌憚地以港共方法治港：

年青人支持民主選舉？屈你非法集結，唔理三七廿一先拘捕你，再唔係屈你刑事毀壞或襲警；

父母支持民主選舉？政府可以隨時巧立名目向法庭申請兒童保護令，掟你仔女去兒童院兩三個星期，唔准同父母見面；

學生支持民主選舉？每年大陸學生來港讀大學既人數都超過大學聯招既人數，港共政府隨時可以「優化」呢個政策，令其變得更「開放」；

老人家憂心香港前途？政府喺深圳或廣西留咗地興建安老院，歡迎老人家返大陸養老。冇老人家呢個負累，香港經濟先會發展；

打工仔想要更合理嘅待遇？立法會內代表勞工階層既議員都係「自己人」，港共隨時可以令繼後待勞工議案成為「侍產假修正案」待翻版；

生意人想有更公平待營商環境？深圳待汽車限購令，隨時可以搬落香港實施，變成樓宇限購令、商場限購令或食品限購令。

佔領行動待失敗，徹底地展現出港人底線。港式待「反抗」，不外乎係 Facebook 分享或簽署，一部份會跟隨民陣遊行，陪泛民一齊靜坐影相打卡，或同 HOCC 及明哥一齊巡迴唱歌。

之前有人憤怒想衝擊升旗禮，之後打爛塊玻璃，但竟然係自己人最快企出嚟批鬥及劃清界線。香港人，今次又好似好憤怒。但係，So what？

（本文原載於作者面書，蒙作者答允轉載。）