有人對犯法警員起底，公開當事人及妻兒資料，
期望市民可以對犯法警員施壓，以立狀阻止其他警察濫權。

亦有人問，咁樣影響犯法警員家人，合乎道德咩？

最出名嘅暗角七警，案發個半月，方被正式拘捕，
期間有警會已大量籌錢，以供佢哋打官司，未知結果如何。

而更重要嘅係，由七警於暗角毆打示威者，
變成惡警公然犯法，於鏡頭下以警棍追打市民至頭破血流，
唔少受害市民只係聚集於旺角，並無任何衝擊或犯法行為。

明顯地，過往嘅停職、調查、審判等，
已經唔能夠停止警員犯法，
法理失效，大量警員每日犯法、犯警例，無停職無拘捕，
而被毆打嘅市民只有不斷增加。

假如公開犯法警員惡行，惡警妻兒及鄰里向其施壓，
有暴力傾向嘅警員，見有即時果報，唔敢再向市民胡亂毆打，
何嘗唔係阻止咗作孽？

同時，嗰啲被無理毆打嘅市民，
何嘗唔係他人妻兒？何嘗唔係他人嘅朋友？
而佢哋喺精神上肉體上都受傷害，
更甚者，被無理拘捕，帶往警署再毆打。

警員家人私隱，同市民人身安全，
必需二選一時，你會點樣選擇？

注重警員家人私隱唔係錯，
但係，我更關心嗰啲被嚴重傷害嘅普通市民。
如果有更好選擇，我相信無人想咁揀。

要注意嘅係，而家唔係毆打犯法警員妻兒作報復，
兩者程度不同，在此表過不提。

我諗起佔領初期，有人指佔領會影響他人生計，
與「起底」道德問題有相同嘅地方，大家不妨思考下。

舊有方法失效，新方法就會出現。
新方法未必合乎所有人嘅期望及道德要求，
總需要嘗試，方會有更好嘅方法，但在此之前，別無選擇。

最後，願受害市民安康，犯法警員回頭是岸。