「保普選反佔中」大聯盟發起的「還路於民」簽名運動，今日（11月2日）去到最後一天，縱使今次簽名運動被發現有大量漏洞，有網民就使用了「身分證號碼生成器」，進行多次簽署，來證實系統不可靠，不過召集人周融仍然沾沾自喜表示，未計今日已經有超過150萬人簽名，並會將收集回來的簽名，於明日交給政務司司長林鄭月娥。

不過周融繼日前錯誤引用世越號海難比喻佔領，引起居港韓人不滿之後，今日又再亂講說話，將佔領行動與日治時期的三年零八個月混為一談：「香港以前最差嗰次被佔領，都係三年零八個月，咁我哋係咪要三年零九個月，或者三年零七個月，我哋先至冇咗呢個佔領行動呢？以前有試過兩次被佔領嘅，一次係日本佔領香港，第二次係今次。」

不過周融此話一出，隨即有記者問到佔領行動與日軍侵略香港有何關係，周融就繼續狡辯：「所以都係佔領囉，邊個佔領係冇關係架，佔領行動就係佔領行動囉，我哋上一次畀人佔領係日本，今次佔領係佔中。我唔係類比，佔中佔領就係佔領，如果我哋要比較，我哋上一次係畀人佔領咗幾耐，我咪解釋咗畀大家聽囉，三年零八個月，今日係三十幾日，未到三十八日，咁我哋睇吓幾時完結囉，咁我相信好多好多香港人都唔希望係咁長嘅。」

（港台新聞截圖）