今日（10月25日）特首梁振英新開設的 Facebook 帳戶，一日之內閂完又開，開完又閂，跟得不夠貼的市民可能都不知道發生甚麼事，不過政府新聞網就急不及待，於 Facebook 專頁分享了梁振英於 Facebook 上載的種花圖，更留言指「啲花好靚呀」。

之後政府新聞網的又分享了教育局局長吳克儉（Eddie Ng HK）的 Facebook 貼圖，並留言指「【今日應該係好日】敎育局克儉局長今日都開咗 Facebook 喎～～」。

不過翻查紀錄，吳克儉的 Facebook 早於上個月已經開設，第一個貼文是9月18日。再看看吳克儉當日的貼文，其實都幾 out，內容指「2015年9月1日開學日，祝全港同學身心康泰、學業進步！」9月中才講開學，都真是慢了幾億拍。

（政府新聞網及吳克儉 Facebook 截圖）