OK，首先，大家唔好再有一個迷思，就係「一定要有人做代表，同政府傾」。

一直以來，我們的訴求都很清晰，就是「我要真普選、取消功能組別」，口號大家已叫慣了，但底裡大家又了解幾多呢？

政府話提委會有普選成份，你又信。因為你唔知咩係「真普選」。

中央話國際標準的普選在中國人社會不適用，你又信。因為你未了解何謂「國際標準」。

其實，都係因為大家都對「真普選」唔清唔楚，真正的普選，是簡單直接的民主，公民直接提名，就是這麼簡單。

至於甚麼「候選人數目限制」、「提委會過半數確認」、「831落閘不能違反」等等低能嘢，不說了，你仲信就真係抵做港豬。

好了，近一個月，群眾都會累、黑社會又搞你、市民又搞你、警察又搞你、警黑又合作，輿論、暴力乜都出齊，又話驚危險又剩，目的只有一個：「想。你。撤。」

如果呢個時候，你仲不斷好困惑咁問人問自己：「幾時完？幾時走得？」，咁即係代表你的決心未夠堅定。

請大家不要為撤而撤。

撤唔撤的基礎，大家都要搞清楚，係政府要處理的，並不是黑社會、警察、藍絲、村民等處理的，責任亦不在佔領者身上。

點解講咗咁耐，都係要話「沒有大會」？因為旺角的堅韌，證明了「沒有人可以指揮大家撤走，因為從來沒有人指揮大家佔領」，真正可以令大家不再堵路的，就是香港政府。

你拉人又好，打人都好，嚇人又好，禁制令出埋也好，咁多招都用盡，但係點解啲人都係唔肯走？這正是政府及大家，包括港豬、村民等都要思想的問題，不要只光說「你咪阻人搵食」。

而，我要防止大家對「代表者」有過份的依賴，是因為人性會有不同的弱點。收買、服降、串謀等的種種醜惡面，不是沒可能。在此我強調不是信不過學聯，但我肯定是信不過三子。但是，我們又可曾告訴自己：「我們應該相信自己」呢？我們何時習慣自己爭取的東西，要經常投靠別人來爭取呢？

相信自己，就是忠於自己的一種意識形態。只有相信自己的判斷，運動是會自然進行或消失。

自從對話之後，大家都已聚焦在一個「報告」上，似乎忘記了根結問題：「真普選」。

如果大家了解清楚的話，就算「報告」寫得點好，中央點樣都唔會俾香港人「公民提名」，咁樣可以點呢？

好多人問，咁樣可以點呢？包括我自己在內。

可惜的是，部份人只會繼續跟從既有的框架及標準，去想事件之後的發展，根本是被人牽著鼻子走。

人地話冇得違反基本法，你就唔諗吓修改／重新立約。

到咗有人可以為你去爭取民主，你又會自然有種諗法就係「靠晒你啦」，情形就好似有些「不支持政府、又不支持學生」的市民經常說「我都認同爭取民主，不過啲學生唔好阻人搵食呀」的那般見識。「你有你爭取、我有我搵食」呢句嘢嚴重顯示大家未有心理準備，覺得民主自由人權法治社會，係由社會上每個人共同爭取，不分你我而得來的一個令以後社會更和諧安定繁榮的基本要素。

很多香港人原來都未明白民主不是一份任務、不是一份工作，而是大家都要為了社會有公義公平是定出的一種遊戲規則。你就算選擇「唔要民主」，你都要從民主程序去決定大家有冇得「唔要民主」，因為大家都係社會的一部份，你完全唔理，就係你的自私。

咁點解總會有人去努力爭取民主？因為公義已不在他們身上，他們就迫於無奈地上街。

之但係，上了街，他們都不一定懂得去爭取，只是叫叫口號、遊行一陣，就會「覺得」自己爭取咗，之後的事，由「政治代理人」去辦吧！放心，港豬不用賠命，代理人辦到就是英雄，辦不到就是政棍！這是甚麼的思維？

至於懶理爭取民主的人，生活從不缺乏，乃致他們成了離地的一群，永遠看不清整個社會，只顧自己飽暖便可以，得閒捐下錢俾慈善機構就心安理得，從沒想過自己要做參與者。所以三子、學聯及其他團體的出現，會令他們變成「代理人」。

群眾聚集，為的是一個說法、一個目標，大家不是理應在上街佔領之前就已清楚了嗎？不清楚的話，你出來係做乜？為何三子在好耐之前舉行左 D day1、D day 2、D day3、啟動大會、演習、電子公投之後，你地又要俾佢哋再耍多次，投票確認訴求呢？是大家還是未明白，還是大家甘願將民主「out source」出去俾人當「freelance」做呢？

訴求一早已清晰，群眾理應如此了解，剩下來的，只是政府的處理，而不是甚麼再膠的投票及討論。我們可以做的是繼續佔領，不理任何未經證實的輿論及恐嚇、不被任何人領導及誤導，總之時常以堅定的意志告訴自己：「真普選未到，我係唔會撤離馬路」，個個都係咁的話，我們最終一定會贏。