老婆係一個「正常香港人」，只講生活。關於佔領，佢唔想我參與，並非乜野「班人收哂美國錢」之類嘅柒頭原因，而係佢覺得個香港根本冇得救，佔嚟都唔會有用！

哀莫大於心死，其實我何嘗唔係咁諗，但我永遠記住熱狗的口號：「成功之前，我們絕對不要放棄夢想」。香港人精神，兩個字：「盡做」。世界好多野都係徒勞無功，但不代表我哋因此而唔去做。就正正因為689「徒勞無功」四個大字，激到我928落左海富，吸咗人生第一口催淚彈。

另一個老婆唔想我參與佔領的原因，係佢覺得我緊張旺角多過緊張佢！我需要承認，今日的旺角確實比佢重要。沒有國，怎有家？眼見香港俾中國殘害到咁嘅地步，我作為一個在香港出生、香港長大、香港受教育的人，我可以唔企出嚟嗎？若果我龜縮，我仲對得住呢個地方？我仲有面目繼續生存落去？我會一世抬唔起頭，苟且偷生。

相對於前線的勇士，我嚟參與同付出根本不值一提，但我最少要對得住自己，對得住自己的家，問心無愧。正正因為我愛你，我愛家，所以我先要參與。老婆，你明白嗎？願淪陷的香港早日重光。