中國第一夫人彭麗媛日前偕夫訪英期間，因為佔中班暴徒影響經濟，令夫人心緒不寧，先至會犯下啲咁白痴嘅錯誤。被外國傳媒拍得面上出現一撻撻的白粉。失禮於人前的習夫人，果斷採取補救措施，展現過人的中國式危急處理手法——河蟹。現在中國微博上已找不到習夫人的出醜照，發帖的網民也被刪除了帳號，事情完美解決！但係，相信好多朋友都覺得好神奇，其實唔止國家主席夫人犯過呢個咁低級的錯誤，就連好多國際巨星例如安祖蓮娜祖莉都試過被拍倒溶妝溶到毀容咁嘅照片。以我觀察，通常出現呢種情況有幾個可能性：

1. 用咗唔啱色嘅粉底

根據我響高級化妝品櫃位工作多年嘅經驗所得，中國既女人好傾向使用一啲比自己膚色白一至兩度嘅粉底，通常一個系列嘅粉底，最白嘅顏色同埋最黑嘅顏色都好難買得出，但係自從有咗自由行之後，呢批最白嘅粉底除咗白人之外就多咗一個國家嘅人會蒐購，咁我哋身為一個打工仔，緊係唔理你到底啱唔啱色，最緊要同我哋嗱嗱臨清曬啲貨佢啦。所以習夫人呢一個現象，好有可能係因為使用左唔適合自己膚色嘅粉底，而又因為某啲原因而溶妝，引致粉底變得不均勻，響面上形成一撻撻嘅狀態。

2. 彭麗媛本身又黃又乾

最重要的一點來了，近期市面上出現咗好多種唔同嘅白色高清（HD）碎粉，撲上之後的確會令到面部膚色立刻變白，又可以完美遮蓋細紋同埋毛孔，但係呢類粉底入面好多時候都含有二氧化矽（silica）同雲母（mica）（通常會係防曬用品入面常見到），雖然佢可以令到佢嘅皮膚變得細緻柔滑（因為可以磨到非常幼細，化電視高清妝的話不易見到粉痕），但係一遇到強光同埋閃光燈鏡頭，響呢兩種物質易反光的作用下，再加上年習夫人本身皮膚又偏黃乾燥易脫妝，仲夾硬去用過白嘅粉強行掩蓋黃氣，而且盲目追求高清（HD）妝，完全冇考慮當日場合充滿閃燈，簡單啲來講即是無知。以為高清化妝品比較貴，效果就會好，完全係一般中國式思想。於是響天時地利人和之下，所有嘅假象都無所遁形，習近平夫人都一樣冇面比。

（圖片來源：網絡截圖）