我想說，我只是小小市民，但我並不是村民。

說好了的和平，與佔領並無抵觸。我都贊同和平佔領，我都不贊成辱罵警員，而面對警方的挑釁，我們大都是克制。

我們要對抗的是政權，警方只是政權的工具之一。警員裡面，相信總有些有良心，知道誰是誰非，射胡椒都會射遠啲、歪啲。（我真心希望有這樣的警員，而無奈地，很多警員經過警隊內部洗腦後，都是真心痛恨示威者。）

受傷，不可以咬定是警方／示威者的責任，要發生的始終會發生。大家勿忘初衷，雨傘革命的目的是甚麼？

是政府寸步不讓，為何我們要給你說兩說就放條車路給人行？

是政府寸步不讓，為何我們要給你說兩說就要撤退？

你們應該做的是，

要。幫。我。哋。手。迫。政。府。回。應。民。意。呀。

你一句「我唔理政治！我生活到就得啦！而家好地地，你哋搞咩事呀！」大佬，離地係你哋嘅代名詞！你覺得「好地地」，我哋唔覺得囉！

你買到樓，我買唔到囉！你移到民，我冇錢移民囉！

你一句「我都支持民主，不過都唔係咁樣樣爭取架！」咁你話我聽，可以點爭取？寫信、請願、遊行、示威、絕食、簽名、對話，你哋所謂的「和平理性」方法，要做的已經做過了，做咗廿幾年了！！！！

係。你。哋。班。離。地。港。豬。唔。留。意。新。聞。時。事。就。話。我。哋。

你一句「你哋佔路唔好佔到我舖頭門前啊！阻住我搵食啊！」對！我哋都知道阻你搵食，對唔住。但我更想給你們知道，之所以在香港有生意做，係因為香港的基石，包括健全法制、金融地位、國際關係等等，令你哋生意做得更妥當穩健，要是在大陸做生意，你唔畀人呃過你都未必會「醒水」！

而家我哋令你們有短期的痛苦，我們都很抱歉，但是希望你們明白，我們是為了全香港人大家的長遠利益：民主政制、獨立司法精神、文明教育及政策等，全都關政治事！你唔可以話「你有你佔路，我有我搵食」，我們爭取回來的民主，大家都可享用的！

「我唔需要你同我爭取！我唔需要民主！」既然你有這樣自私想法的話，那麼，當有一天你被專權統治欺壓的時候，沒有人能救你了。

呢個，係我哋嘅家！

政府寸步不讓，就只會激起更多人出來，這些人，不是有人在 facebook 叫幾叫就可影響到的，大家都有自己對政府不滿的時候，港共老是抱著不尊重、不謙卑的態度，人民不服都是常識吧？何以經常說是人家煽動的？你當個個佔領者都冇腦的嗎？

要做，就要清楚知道自己的目的是甚麼。不是人哋話撤就撤，亦不是人家話佔就佔。社會中上層的上一代，你們就是永遠不會明白，未來的香港是我們的；你們就是永遠不會明白，我們都會有獨立思想的。

學生佔領，又畀你話「被人利用」、「憤青發洩」、「收錢」、「勾結外國勢力」，真係噏得就噏，又唔 update 吓而家香港形勢。當然，你哋食好住好，你哋只顧自己安定而已，而你們富有，內心卻如此地自私、沒有同理心！即係你已經安定、又有外國國籍，離晒地，就唔會理其他人點解要堅持爭取民主，你哋一個二個真係高登神戰卡入面的「超級自撚獅」！他日你哋畀人陷害時、中共政權橫行時、床位俾人霸時、警員收黑錢老砌你生豬肉時、你唔好再問「點解香港咁耐都冇民主？點解香港越黎越似大陸？」

唔好傻下傻下，睇多啲文章、留意多啲社會新聞啦！離地自撚獅村民！