嬲死我喇開家教會搞到而家！課又未備簿又未改！至慘係啲內容簡直...

中一家長A：「點解學校唔派功課袋俾我個仔嘅？我個仔喺幼稚園同小學都有功課袋拎，等佢哋夜晚執齊啲功課擺喺功課袋，咁就唔會交漏。」

我：「校方都鼓勵初中學生keep住用功課袋呢個習慣架。」

中一家長A：「問題係你唔派嘛！我啲 friend 話佢哋學校去到高中都年年派功課袋架喎。」
（中四中五中六仲派功課袋？！）

中四家長B：「係啦，我個仔入咗嚟讀三年有多，年年都有欠功課，一定係你學校唔派功課袋問題。」
（其實係土地問題）

中五家長C：「我個囡做齊功課架，係唔記得帶咋嘛，校方提供功課袋會好好多囉。」

我：「......如果同學仔有需要，係可以自己買個功課袋。」

中五家長C：「問題係我哋買果啲功課袋冇學校 Logo，菲傭姐姐可能會搞錯咗個袋嘅用途。」

中四家長B：「係啦，我哋英中嚟架嘛，印番個學校 Logo 寫住 XXX Secondary School Homework Bag，咁工人執書包就唔會執錯。」

我：「......真係有學校咁做架咩？」

中一家長A：「有，我手機開張相你睇。」

校方高層：「多謝家長嘅意見，我會同校長反映，仲有無其他意見？」

全場家長委員：「個袋只可以印英文，要凸顯我哋係英中。」

我（＿　＿　＿　聽到想死）：「......請問主席仲有無嘢補充？」

家教會主席：「A4 size, with two pouches」
（Two punches 就得！）