繼早前香港討論區有「好差既BIGDAY 攝影事件」，網友炮轟婚禮攝影師欠專業之後，昨日在FACEBOOK 「幼兒一手二手用品買賣自由交易站」群組，一名網友上載了一張嬰兒手畫素描，投訴付出了50 元畫酬，換來一張「邊一part都唔太似」的BB 畫，由於認為與女兒樣子相差太遠，所以不肯收貨，後來經與畫家聯絡後，畫家要求事主多付30 元再補畫一張時，事主覺得自己被騙，一怒之下把有關畫作及PM 對話曝光。 

有網友在留言中同情事主，認為是一宗騙案，指圖畫「似屋企樓下畫室小學生畫畫既作品。」另有網友留言指，該畫家最初願意無償為網友畫畫，可是PM 他沒有回覆，懷疑「免費」根本只是宣傳技倆，稱「之前好似收20蚊～20蚊之前系free....原來依家去到50...…仲要加錢再畫先再似啲」。 

但事件惹來一名插畫家關注，更開Event邀畫家加入討論，結果引來不少專業畫家出手，當中包括時事漫畫家Cuson，以搞笑方式，來諷刺事主並不尊重藝術工作：

「首先呢個並不是一個貨品，當然沒有一定嘅品質保證，好、不好；靚、吾靚真係好難評！吾緊要，這個吾係重點！」

「我認為你比$50好、$20好、$10都好，你比錢前因為你信任個畫家所以你幫襯佢，但出黎感覺不似妳預期就出post比大家評論，咁如果好你又會出post讚畫家嗎？」

「對畫家公平？尊重？視藝術為工作嘅人我真係好佩服！希望大家多一份尊重！尊重別人、尊重作品、尊重自己！」

（圖片來源：facebook截圖）