好多人會講，蠢係無極限。但係淪落，自甘墮落，會有極限的嗎？

講民生，鉛水果然鉛鉛不絕，個白痴政府，根本無能力拆解，但最少都要煞停現在或者將來，所有中國建築有份參與的工程項目。然而，呢班狗官連煞停的勇氣也沒有。

算吧！唔講民生講娛樂，我做隻乖乖港豬！

港產片，曾經風光一時，風靡亞洲，甚至世界。但自從有合拍片開始，完全不堪入目，不看也罷！

聽歌吧！我呢種哥哥年紀，真係聽李克勤大嘅！同時我可以好正直地承認，我係喜歡聽佢唱歌。

李克勤明明唱開紅館，唱開世界巡迴，卻偏偏走去仿如屯門公園做大媽伴唱的第三世界電視台唱。自貶身價去參加九流比賽，勝出後卻暗自高興，你叫你的歌迷，如何自處？情何以堪！

反之，曾幾何時，大埔海係臭嘅！今次由英國返香港，重臨大埔，卻叫我相當驚訝，大埔海水竟然回復清徹？

經友人解釋，原來大埔的屋邨，以前是直接將污水經河道直接排出大埔海，但只要唔再向大埔海排放污水，係可以回復清徹的！

這不禁令我反思，自1997主權移交後，香港的淪落，香港的墮落，係香港人，不管任何階層，任何身份，不斷不斷用不同的方式，去加快淪落的速度！去達至所謂中港融合，簡直自甘墮落！就等於以前的大埔屋邨居民，直接向大埔海排污一樣。

停手吧！只要你呢秒開始停手，做回一個有常識的香港人，做到中港區隔，香港是有機會回復清徹的。