多位問責官員今日（5月2日）繼續落區宣傳政改方案，其中食物及衛生局局長高永文於九龍灣遇上反對政改的市民時，一度沉不住氣「發爛渣」。高永文日前曾指官員理直氣壯，就可以面對面與反對的市民對話，但今日他的表現，就完全容不下反對聲音，事後他承認「有小小忍唔住」，並指面對市民的激烈反應時較難控制情緒，希望公眾諒解。

於高永文落區期間，有一名男子單人匹馬表達對政改的不滿，期間雙方發生爭拗，該市民稱：「千二人選出來嘅人，你聽我講一樣嘢，一個白髮魔女，一個豬潤腸，一個......三個人畀你選，咁我選邊個呀，呢啲叫一人一票呀？」雖然該市民未有使用暴力，亦未有講粗口，一直相當平和，但高永文聽到「豬潤腸」之後即時「躁咗」，表示：「你聽我講，首先我已經唔贊成你用呢啲咁嘅形容詞，好似有少少侮辱一啲人。」

期後該男子繼續批評政府呃小朋友，高永文就愈來愈躁，大聲呼喝：「你聽講我埋，我同每個細路仔我都講，有人贊成、有人反對。我係問啲細路仔點樣去自己去分析，點樣贊成，抑或反對，係用自己嘅獨立思考，講完！」

高永文之後接受傳媒訪問時表示，自己當時也有控制不到情緒地方，希望觀眾諒解，並指自己盡了力。

（無綫新聞截圖）