上星期一，深圳公安部出入境管理局公布停止簽發深圳戶籍居民來港「一簽多行」的簽注，改為採用深圳戶籍居民來香港「一周一行」的簽注。

一簽多行嘅問題，講咗好很耐。自2003年有「自由行」，問題一直都唔算嚴重，而去到2009年深圳進出一年多次訪港「個人遊」簽注，即係「一簽多行」就出哂事。自由行遊客人次由當年嘅6百幾萬，突破4千幾萬！而且由政治問題變成民生問題，呢啲大家都好清楚，但咁多年嚟，香港市民意見就反映過，但有撚用咩？

佔領行動失敗收場，但抗爭繼續，一連串光復行動出現，打正旗號以激烈行動去對抗走私活動。擺明車馬打擊走私客，驅除蝗蟲，還我山河！毫不「和平、理性、非暴力」，甚至接近不文明！呢一點，昨晚既《鏗鏘集》就無限放大。

老老實實，《鏗鏘集》今集最大問題，唔係因為反勇武，甚至反熱狗嘅內容，即使我是被人稱為親熱狗，我都覺得媒體可以如實反映被訪者的意見，亦都係我自己嘅報道宗旨。成集最大問題係整體觀感，特別係受訪者「大舊」同「亞媽」的的言論是整集嘅重點位，帶出來嘅訊息基本上本質一致。成集講年青人，但搵咗兩個成年人去著墨，否定激烈抗爭行動，但又唔搵持另一面意見嘅成人去講，以前既《鏗鏘集》持平好多，唉。

坦白，我只睇結果，講一簽多行咁多年，點解現在先黎轉，仲要連香港政府都後知後覺，失晒方寸要星期六夜晚嚟個高層會議，即係事前完全唔知。如果要講同一連串光復行動無關嘅話，就完全係痴人說夢。如果激烈行動無用嘅話，咁大家點解當日要佔領？做咩唔繼續遊下行，圍下政總，點下燭光？現在香港社運最大問題，就係左膠思維根深柢固，即使有唔少人走出固有的唱K大會模式，但又會不自覺用左膠式的思維方式去評價一些激進行為。和理非有撚用嘅話，我唔撚使出嚟啦，屌你老味！

（《鏗鏘集》截圖）