![](/uploads/images/201404/Tongkawah.jpg)
立法會議員上海之行今日正式展開,第一站是考察上海虹橋商務區,除湯家驊、莫乃光及李國麟之外,其餘泛民立法會議員均未有出席參觀及考察行動。公民黨的湯家驊表示,今次行程是為了普選,而非六四示威,更表明若公民黨決定提早離團的話,個人不會跟隨,現階段亦無意退黨。
今次有到上海的公民黨議員郭榮鏗及郭家麒,都未有出席參觀活動,認為今次北上是討論政改為主,但一向與黨友有分歧的湯家驊就出席了官方安排活動,並表示到上海不是為了六四示威:「為咗普選囉,我哋上嚟係為乜嘢呢?唔係為咗六四去示威,對唔住,我為咗爭取普選,六四對我嚟講係有好深刻嘅感情問題,但係呢個問題唔應該阻撓我哋爭取普選嘅決心。」
被記者問及參觀活動,與爭普選有何關係時,湯家驊再強調今次行程並非作政治宣示:「如果我唔參加活動,其實我係作出緊一個政治宣言,我覺得我上嚟唔係要作一個政治宣言,所以我唔係刻意去參加,但如果我唔參加嘅話,呢個反而係一個政治宣言。」
社民連立法會議員梁國雄,昨晚因拒絕放下涉及六四事件的上衣,未能入境上海,事件引來公黨議員何秀蘭和張國柱不滿,決定提早結束上海之行,今午3時半乘機返港,至於原定今日去上海加入訪問團的公民黨議員梁家傑,亦決定取消行程。
(無綫新聞截圖)