耶能：指主耶穌基督的大能。其實只要細心傾聽、細心觀察，在生活細節中都可以找到耶能的。哈利路亞讚美主！

今日好感恩，又見上帝的大能大力！繼早前林牧師在電視媒體的大禾場上作工，如今在電視上又再現耶能！比尐掌聲耶穌！

話說上勻林大牧有先見之明，估計係有見於不少上帝子民在敬拜會中情緒都顯得異常高漲，疑似有嚴重濫藥問題。弟兄得蒙上帝恩典開拍廣告，別出心裁地以吸毒者的角度拍攝，務求讓觀眾以第一視點感受都市濫藥問題實在嚴重。

繼林牧曉以大義後，今次輪到森美再顯神威，呼籲不要沉迷上網。大家也許不知道，撒旦嘅攻擊已經滲透到網上世界，也有一些別有用心的人故意在網上鼓吹9like（即是以9個like代替1個like，可想而之這在網絡世界上是多繁重的工作量），讓人太忙沒時間返教會認識信仰、唔專心敬拜耶穌。

上網文化日益嚴重，無非是因為年輕人厭煩真理，還偏要揀過時過節先嚟頂撞！就好像過年時希望能勸仔女早日連生貴子，遵從上帝吩咐人類生育眾多、遍滿全地的旨意。但他們又推說買不到樓、無錢擺酒，甚至話淨係想養隻狗。鬼咩，依家尐後生仔都唔肯捱，郁尐又話要翻檯，咁呢個世代仲邊有未來呀！﹗唔生一竇子孫齊齊返教會，你話仲邊有人信主？

計我話，全部禁晒唔俾上網就啱嘞！想當年，我哋嗰代人無得上網咪都係咁生活！靠住上帝恩典，一定可以禁絕上網。如果你都認同這是奇異的耶能，請 Like & Share！