香港隊足球員黃威在省港盃次回合比賽中，被廣東隊隊長盧琳踢斷腓骨，本來香港足總答應會負責全數醫療費用，但後來就反口稱會設上限，要一月尾才有最後決定，惹來各方面的抨擊，受害人黃威及其所屬球會澳滌教練李志堅，在接受有線新聞訪問時都表示失望。

本來斷骨接駁手術預計要一個小時完成，但開刀後才發覺情況較為複雜，最終要三個小時才能完成手術，預料黃威要休養四個月。不過令黃威最痛心的不是傷勢，而是足總的冷言冷語，他說：「聽到之後係好失望，因為佢（足總）仲講埋啲好難聽嘅說話，話你哋球會其實係可以唔派兵，但係之前又成日叫我哋去一定要練波，但出咗事自己又咁樣講嘢，都有啲失望。」

黃威所屬球會澳滌教練李志堅就表示，足總講到為醫療費設上限已經是恩賜，但實情是今次事件，會對球會造成沉重打擊及經濟負擔，對足總的做法感到無奈及失望。

由於省港盃並非國際A級賽事，球會未能夠按照國際足協條例，向足總追討醫療賠償。