行動派同論述者同樣重要，大家只係分工合作。
 
優秀的論述者會揭開社會謊言，指出真相，並導引行動指向目標，而非橫生支節。
 
不作無謂犧牲，不需要再用畫面去證明藍絲、警賊係仆街，唔使情緒化博拉，走得就走。依幾點，請行動派深思，到底有無講錯。
 
本土派貌似人多，但實質勢單力弱，無錢無人，比人拉左，唔似左膠有泛民，有金主有大律師，幫打官司。司法覆核，律師費等等唔平，你比人拉咗，我諗本土派真係無好多錢可以籌去救你。本土新聞之前都告急，無錢營運，諗諗Myradio點解要搞月費計劃？
 
革命路仍漫漫長，想急都急唔到，族群鬥爭之要點在意識覺醒同具體化，而媒介就係要靠文字、演說、書本，正如當初城邦論令我覺醒一樣。當越多人覺醒，自然本土行動派既人就越多，行動越有保障。請行動者唔好一時意氣，目前唔係佔領期間，民氣尚未恢復。
 
說鍵戰是抗爭者衣食父母一句，可能有言重，其實鍵戰跟前線義士也是抗爭者。但請細心思考，面對目前傳統赤化媒體，我們的行動早已被扭曲報道，而鍵戰在網路媒體為群眾指出事實，解釋行動理念是相當重要，可令更多人投身行動。試想如果完全沒有鍵戰，只有行動派，輿論上徹底被扭曲，行動者會可能就永遠被誤解。而另一方面就算沒有行動者，鍵戰也可以單獨存在，甚至自身成為行動者。
 
是先有陳雲，才有城邦勇武派，而不是有了城邦勇勇武派，才有陳雲。陳雲是理論提供者，以及先驅。
 
又提一個例子，日本的土反本龍馬，提出船中八策，奠定現代日本的國體，如果龍馬身先士卒，更早就暗殺死去又或被捕，後繼何人？
 
但如果你一定要問論述者有無負行動者，我無一個客觀答案，但我可以話你知，每次見到義士係前線被拉被打，我都好內咎自己幫唔到手，但唔代表唔可以批評行動失當之處。
 
唉，大家唔好嘈架喇…
 
作者面書專頁：
http://www.facebook.com/saberhadaisuki