今日「保普選反佔中大聯盟」舉行反佔中遊行，有參與者表示是被上司「邀請」出席，感受到無比壓力，大聯盟發言人周融就認為有關員工應馬上辭職。

周融表示：「如果佢身為下屬，佢覺得有壓力嘅，咁呢個我冇辨法幫到佢，但係一個有常理嘅人，一個普通嘅香港人，如果老闆可以迫到佢做一啲佢唔想做嘅事，我會勸呢位朋友辭工，唔好做，香港大把工畀你做。」

不少遊行人士接受訪問時，均對今次遊行一知半解，周融稱參與遊行者，沒有需要完全明白「佔中」是什麼：「僭哋有幾多個知道伊波拉個方程式係乜嘢，點樣先至令到大家有事呢？其實唔係架，恐懼就恐懼啦，如果我恐懼咗，唔希望香港有一個動亂發生，唔希望佔中影響到香港，佢哋行出嚟，唔係要答30條問題關於佔中，佢先至可以行出嚟架。」

對於有團體為參與遊行人士提供膳食，周融認為沒有問題。至於有報道稱有團體向遊行人士提供金錢酬勞，周融就高呼這為抹黑，指有人信口開河，並要求各方提出證據。不過有線電視今日就放蛇成功，記者在遊行後獲得「香港青年會」提供的250元車馬費。

 

延伸閱讀：

【有線踢爆團體向反佔中遊行者派250元】
http://www.passiontimes.hk/article/08-17-2014/18382