多謝港鐵公司，你尋晚成功爭取困咗我係車廂兩粒鐘，教我用心感受旅途嘅每一分每一秒，聽勻所有劏豬咁聲嘅廣播，聞遍各大省份嘅汗臭，沉思咗十幾二十次加車費既哲理。

歷經千山，終於貢到我親切嘅元朗。廣播話大家都係獅子山下嘅子民，一於共渡時難，前面架列車出年拜山先會開出架，齊齊等到訊號恢復啦。我睬佢都有味，即刻爆佢玻璃跳車轉輕鐵。苦中作樂，順便買盒燒鵝過老媽品嚐。我好後悔，醒唔起輕鐵都隸屬港鐵公司，點解頭先唔轉搭巴士？失落好比唔小心簽咗周融個檔口。

返到屋企樓下，入𨋢。我一撳閂門，有個小朋友就喺外面撳開門。原來佢老母同街尾嘅看更傾緊偈，小朋友孝順，想霸住部𨋢等埋佢老母。我同佢講：「香港市民連港鐵公司都忍受到，點解你唔可以等埋你老母？」小朋友若有所悟，一時罷手。

港女寫文，貼大脾圖是常識吧。