麥浚龍，啱啱出道嘅時候個個都話佢係靠老豆靠阿哥，冇實力冇唱功冇樣冇身材冇高度。但你唔可以否認嘅係，佢嘅歌，的確係耳熟能詳。

唔計《耿耿於懷》，仲有《有人》、《沒有人》、《借火》、《吃鯨魚的人》、《濛》、《歪》.....起碼你記得佢有呢啲歌，但係講真，真係唔記得當年最佳男新人贏佢嘅蕭正楠唱過咩歌，我淨係知佢笑完麥浚龍「邪不能勝正」之後，連影都無埋。

今日，「耿耿於懷念念不忘羅生門」三部曲，由以為大家相愛，只係有緣無份，以為自己係大情聖，念念不忘對方十幾年，到羅生門一首歌比女神謝安琪狠狠地摑一巴，直接話你知原來沒有從來都沒有，纏綿邂逅完全虛構，那一刻含情回眸原來是我妄想裏的那點綠洲。

眾兵立時譁然，頓時覺得首歌係話緊自己，話緊一向供奉的女神，原來當你白痴仔。

女神：「多謝你暗戀咗我咁多年，不過呢，唔好意思囉，我冇諗住同你一齊喎～我有同你講過鍾意Hello Kitty咩？你咪癲啦，你根本就唔了解我。」

「狄更斯係大文豪作家黎架，唔識野都唔好講出黎丟人現眼吖！以為佢畫漫畫？你返屋企打飛機啦毒撚。」

「OK我知我好索，你認錯我係少女都唔出奇，但係大家都三十幾歲人啦，唔好咁多幻想好冇？」

「你嗰啲幻想呢，收埋佢啦，對我來講係童年陰影嚟㗎。你知唔知道點解咁多年來你都放唔低？雖然我靚都係其中一個原因，但最緊要係你成日諗住諗住咁又點放得低呢？」

「老老實實啊，喺街見到，在於禮貌上我會同你打招呼。但係呢你嗰個咁撚多矯情文章嘅 Facebook 我唔想睇囉，unfriend 又唔好意思，所以我 hide 咗咖啦。」

「我都想你開開心心，所以唔好再諗以前啦，亦都唔好幻想我哋有將來，不如你搵過第二個女仔啦。」

「最後一句，咪癲，去福島食核電啦你。」