大概有幾樣野想講:
1. 親愛的皇上,小妹乃是一介素人,因雨革到宜家不滿泛民左膠偽善黃絲已到達臨界點,所以寫左呢《革命不是呃like》呢首歌。我好榮幸皇上會喺熱政點播同討論,心情真係好激動。在此我要多謝各路本土派傾力咁share,希望我地可以繼續努力宣揚本土意識(雖然我知對住班潔癖係會好易燥底哈哈)。
2. 真係好感激大家呢幾日嘅支持。新like嘅朋友應該大部份都係本土派(我都知我隻歌好惹火,好多黃絲豬豬可以都唔願意再聽我channel了)。但其實我開呢個page原意係想將我本身勇武同音樂方面好好的切割,因為老實講其實我喺音樂層面上係一大大大大舊膠,所以寫嘅歌大部份都好煽情,而因為我本身私人facebook實在太勇武,每次想認真share音樂時都好似搞到自己有少少精神分裂。加上其實我自己係plan緊想出EP (放心,唔需要集資XD,只是小妹比自己的一個紀念),所以開page係想留住一直以黎有留意開嘅聽眾(但可惜我見到呢幾日已經嚇走左大概十個喊出黎 )。可能你地expect我呢個page會有好多關於政治嘅post,但抱歉我只會分享音樂,更甚係好矯情咁分享音樂。當初我都冇諗過會惹火到咁,雖然我條片誠懇地叫人like呢個page,但突然人數暴升再加太多回響加聲音係令的確令我不知所措。我明白政治同生活不能完全分割,但我希望當呢件事冷卻後,大家留意嘅係我嘅音樂(又或者係我嘅「純綷」XDD)。如果你真係好接受唔到又或者只係想睇政治post,抱歉要讓你失望了,你可以unlike返,但我只會更加堅定去做我想做的事,感謝你地嘅體諒。
3. 我採納左大家嘅意見,條片最尾十秒加返個box仔叫人可以唔洗like,但係share條片。我承認當初剪嘅時候真係冇諗到咁多野,引起咁大爭議,下次我會再留意返多啲。
4. 見到有幾個留言都想要開頭四眼哥哥嘅原片,在此附上link,大家慢慢丁XD
https://www.facebook.com/socrec/videos/1035263196500611/?pnref=story
5. 見到有留言話叫我唔好分化。我想講係我唔係想分化,我只係想同班政治BB解釋其實香港政治生態有幾咁荒謬。在我立場,我相信好多黃絲心入面都係為香港好,呢方面我唔會否認我地方向係一致,而嗰班咁嘅泛民左膠大中華膠表面上比緊糖你地食,但背後又咁樣賣香港,我從來都唔覺得佢地同我地係同路人,又何來分化之有呢?我寫隻歌都係想站喺本土立場去話比大家聽呢個現實,因為我知大部分本土都十分躁底,講唔夠幾句一係就媽叉人,一係就廢時再同你泥漿摔角,黃絲只會覺得我地只有橫蠻,沒有道理,為反而反。如果有朋友聽完呢隻歌,沒有反省,只有覺得分化,咁我都無話可說。
6. 幫我做mixing的靚仔哥哥bounce左條mp3比我,我好樂意同大家分享,但首先我想搵個平台係可以比我睇到有download counting(口說不介意還是很介意數字XD),給我一點時間吧。
7. 今日64,提醒自己中共是個魔鬼政權,我不要建立民主中国,我要中共崩壞倒台。
最後,好高興大家認同我嘅努力,對我嘅支持同喜歡我嘅創作,我只想做一個素人,繼續默默做我喜歡做的事,感謝大家: )。
(作者為《醒下啦黃屍豬,革命不是呃like》創作人,原文刊於作者 Facebook 專頁)