再出多一篇，並唔係因為上集「TVB《實習天使》離譜劇情大解構（一）」多回響，而係估唔到套劇愈做愈多錯處，好似冇搵到專業顧問咁，不過睇真啲，片尾有寫「潘偉剛博士暨一群急症室護士」擔任醫療顧問，係唔係真架？雖然都預咗有人留言話「乜TVB仲有人睇架咩」，但身為一個護士，冇理由唔挺身而出指正，仲有一旦「網絡23條」通過咗，到時cap圖要落晒12大點，成幅圖都遮晒，仲點有得鬧？


Sister 呢頭講完做護士最緊要係誠信！你條荗利就話護士返工係為錢…好~算！我唔否認的確有啲咁嘅同事！不過！可唔可以告楊Sir誹謗！「好多RN都會造假」？！X！你無嘢呀！你講完有無覺得頭痛呀！


差啲miss咗呢幕！如果你有睇，佢係講：你可唔可以ASAP嚟？痴線！邊有正常人咁講嘢架？！重點，如果你真係覺得咁急，「盡快」得2粒字而「ASAP」係4粒字…講盡快快好多囉！


佢個mask咁多水氣嘅？？個袋又好似唔脹咁…唔通佢唔記得咗開氧氣？


姑娘…你支鹽水未開呀…


小妹才疏學淺…如果喺病房做心肺復甦法，一般都係要call埋ICU醫生同麻醉科醫生嘅。咁麻醉科一嚟到呢，一般都係要插喉，點解可以去到搓完伯伯個口都係生喉架？！？！我唔明呀。


我以前都miss咗，原來佢哋病房同護士站都有呢個「三角嘜」，牌仔嘅意思大概係指呢個地方有人或者物品係有傳染性！為咗避免被傳染，所以進入呢個範圍嘅人都要洗手＋戴手套＋同著保護袍。但係…我睇咗三集都無見過一人著保護袍喎…


點解！！！點解永遠啲病床都係無上床欄架！咁樣係好危險架！病人跌咗落床咁點算呢？？同埋…點解伯伯連被都無張架…


點解可以咁幸福讀到Year 5先第一次Night。


（（細細聲））喂喂~~肥陳！！楊Sir係叫你掛「不准飲食」，唔係「禁食抽血」呀！差好遠架！趁楊Sir走咗快啲換返啦！
P.S. 劇情係講病友要照胃鏡，如果你只係掛「禁食抽血」，姐姐見佢抽完血係會俾飯佢食同俾水佢飲架！


粉紅圈圈~~阿sir點解支鹽水唔係駁住個heparin block嘅…？
藍色圈圈~~阿sir你叫個病友有事㩒鐘…但係你無俾個鐘佢呀…


十萬個為什麼：照計排板車入面應該無利器架~~點解排板車頂要有sharp box呢？！仲要成兩個咁多！！


護士學生同病人一齊逃離病房！


楊Sir你記唔記得自己返緊工架？！咁得閒同個病人去ICU睇戲嘅！


血氧60%係好低…但係點解要做心肺復甦？？伯伯有呼吸有脈搏，係血氧低啫，咁開大啲個氧氣咪得囉。


咪住咪住！！伯伯條氧氣喉去咗頭頂喇！同埋…唔係應該抆走個枕頭架咩？！


嗱嗱嗱！楊Sir今次係你唔啱啦！點可以搓搓吓忽然停晒手架，你講嘢用口講咪得囉，你咁樣忽然停手個伯伯可能會死架喎。


點解個醫生可以咩檢查都未做…咩藥無打過…一嚟就話電…醫術嘅嘢我真係識條鐵。


粉紅圈圈：「進行急救前必須穿上FULL PPE及N95」，唔好話PPE，佢哋連手套都無戴。


兩條電線咁樣樣痴埋咗一齊…一陣電嗰時會唔會爆架。


我最期待嘅畫面出現了！！你咪痴咗兩塊pad落伯伯個身到囉！做乜鬼仲要用paddle呀，唔通你認為咁樣會有兩倍電力，伯伯會快啲醒？


Ee~~我有無睇錯？？個mon係咪未開~？！


做手術啫…又唔係食燭光晚餐~~做乜唔開燈呀？！當時佢哋係幫一個無生命嘅孕婦取出嬰兒。


嗱…如果你有印象，早兩集有個伯伯要搓！不過俾人搓咗唔夠十分鐘…醫院就證實死亡。


雖然有返心跳，但係我哋都唔可以自滿！至少都要抽埋痰而又無事！咁就可以俾啲掌聲自己啦！


到底呢幕幾時先會消失！手術完成…醫生即時由正門離開…病屬已經喺門口準備好…雖然醫生開始解釋來龍去脈…


唔戴無菌手套都算…仲要執起個Set…FAIL


腰椎穿刺抽出嚟啲水係咁透明架咩？？？


妖！呢幕真係超級嬲！做完腰椎穿刺是但貼埋膠布就算？醫生你個牌係咪呃番嚟架？

（實習天使截圖）