保安局局長黎棟國今午（10月18日）見記者時，表示旺角的集會，是有激進組織的活躍分子煽動及策劃衝擊行為，警察公共關係科總警司許鎮德出席例行記招時，亦有相同的說法。熱血公民首領黃洋達在接受《無綫新聞》訪問時，就不同意以上講法，認為示威者是自發行動。

黃洋達表示：「咁多唔同嘅地方，都有事態發生嘅一個狀況，根本就冇任何人可以組織到件事，你睇到就算係咁有系統嘅警察，佢哋嗰個動員都左支右絀啦，我覺得係太陰謀喇，我又唔係黎棟國肚裡面條蟲。其實最主要就係因為政府激起咗民憤，令到好多人出嚟，大家都係自發嘅。」

（無綫新聞截圖）