事緣6月底，聽講一間紮根於香港嘅航空公司（依家都變咗強國資本！）工會，要求公司唔好請強國人做空姐，作為呢間航空公司嘅常飛會員，心諗有冇搞錯，就算你哋貴過強國航空公司我都幫襯你哋，就係因為你哋啲空姐係香港人，同聲同氣，有親切感嘛！貪平請啲無道德底線嘅人嚟服侍我，慳埋啲錢都唔會益我哋啦！谷鬼氣又無辦法反映，點算呢？

終於7月中要出 trip 搭飛機，問呢間航空公司地勤：「你哋工會係咪反對請強國人？」佢哋聽完有啲驚，以為我係間諜！我話：「我係你哋會員，我希望係香港人服侍我，我想聽廣東話，我可以點樣反映意見？」我見佢無乜反應，然後就走去排隊。上機前，嗰位地勤靜雞雞走嚟話：「先生，你可以喺機上搵到意見書嚟寫架！」

上咗機，艙務長嚟 say hi，我話：「我支持你哋工會，意見書喺邊？」佢好奇怪，問：」你知道我哋爭取緊啲乜咩？」我話：「我反對你哋公司請強國人，我想香港人服侍我，我要聽廣東話！」佢面露好感動嘅表情，幫我搵意見書，同借支筆畀我。我大筆一揮，五分鐘寫完，仲教訓佢哋公司忘恩負義，佢哋能夠成長有賴香港搭客同香港員工支持，背叛港人就係唔顧及客戶感受！再教訓乜嘢係社會責任，唔係只追求成本效益架！我話我寧願畀多幾百蚊機票錢支持香港人！

我係一間上市公司高層，鼓吹企業良知。點解良心僱主缺乏？咪就係缺乏道德訓練同認識社會責任商業道德所致，唔明白點樣可持續經營，或者都已經染紅同強國化咗！有啲就係中咗新自由主義嘅毒，全球化嘅毒，無考慮數字背後嘅風險同本土安全！輸入勞工只係藉口，其實都係為咗減低人工成本。香港好多勞動力未釋放，中年就業唔好歧視其實好有經驗（你哋見過外國空姐就知，唔明亞洲嘅航空公司都用靚女！），婦女就業要支援照顧細路，香港院校好多畢業生，要切合佢哋需要提供訓練吸引就業。引入人才係因為技術同工種缺乏先引入，唔係貪平貪後生貪靚女至引入架！

我兩地員工都有用，強國人特別識玩政治起哄，香港人敬業樂業，有職業道德，一身兼數職，邊度搵呀！而家各行各業都請強國人，試問一班從道德淪喪、巴結拍馬屁、吃裡爬外、自私自利嘅地方孕育出嚟嘅人代替我哋香港人嘅職位，香港會變成點樣？！

香港人要幫香港人！以顧客身份去推動企業良知，維護香港核心價值，本土就業安全！各行業員工要組織工會，抗衡赤化，發揮香港專業精神，體現香港員工嘅價值，超越強國人！街坊老店小店都要支持呀，都係保障就業架！

後來聽聞嗰間航空公司嘅情況越嚟越嚴重，刻不容緩！杭州線上海線都係強國員工，而家請緊北京線，細機已經起碼有幾件！希望大家如果係該航空公司嘅會員就幫吓香港員工，支持佢哋！五分鐘寫張意見書（航空雜誌内有意見書，要填會員編號，做會員唔使錢，同時可以加入亞洲萬里通），謝謝！仲可以當面為佢哋打氣！佢哋好大壓力，睇到佢哋嘅反應，你會知道你無做錯。

（圖片來源：Alec92 via Flickr）