二月.曼徹斯特

二月.曼徹斯特


01
響曼市,每逢星日,唔同嘅小鎮都會有Sunday Market,而每次都有好多小商戶參與。不單止有工藝品、盆栽、小手作,亦有好多食品同水果賣。我發現,無論係做生意或是來購物,每個嚟到Sunday maket嘅人都面帶笑容,大家有講有笑,睇見都覺得開心。

02
在於西方人心中,聖誕節等於東方人過農曆新年,所以X'mas Market就是我們的年宵市場,一樣係有飲有食有嘢賣,分別就在於呢方面西方人做得比較精緻。成個X'mas Market我最鍾意就係燒肉腸攤檔,淨係睇個火爐同果盤腸,就已經夠晒霸氣!呢度嘅肉腸有好多唔同的味道俾你揀,食法亦有好幾種,可以做熱狗,又可以夾包,淨食腸又得,點唔同嘅沾醬又得。響呢度,即使每種口味只試食一條,都真係會飽到唔駛食飯!

03
今年二月,英國至少兩個星期都有冬季風暴,所以呢排天氣非常差,大風大雨,可能這裡較少高樓大厦,因此感覺大風好多;同香港抗風嘅最大分別係,呢度唔單止會落雨,更會落雹,雖然細細粒,但打落個身度,你都咪話!幾痛㗎~(影相時不是夜晚而是午後,只是烏雲密佈)

04
對於冇追開球賽的我來說,去球場睇波,只係陪個仔的親子活動。不過,現場的氣氛同啲球迷的氣勢,都非常震撼!以往睇電視,絕對睇唔出!

05
因為工作關係,經常會經過Piccadilly Gardens,這處聚集了一大群白鴿,人與鴿距離非常之近,經常有一大群鴿在身邊飛過,之後會聽到有人在不遠處慘叫 - 原來是一些害怕鴿子的人,被一大群鴿在身邊飛過而嚇怕。其實白鴿有乜好驚?呢度都無禽流感!

06
如果你喜歡睇街頭表演,一定要到Market Street!每日都有不同的表演,例如唱歌、跳舞、玩樂器,水準仲相當之高。而我就最欣賞這位木偶師的表演 - 每次都會用不同類型的音樂做主題,操控獨特造型的木偶跳舞。唔知大家能否憑住相中木偶造型,估到係咩類型嘅音樂嗎?


(編按:本文刊載於熱血時報印刷版第78期。熱血時報印刷版訂閱連結:http://www.passiontimes.hk/4.0/regform.php


讀者回應
相關文章